多肉植物盆栽蛋糕

text│Sakura

「嘩！真係超可愛呀！」記者忍唔住瘋狂打卡，創作這個盆栽蛋糕的網店，開業短短幾個月，憑着像真度極高的盆栽蛋糕在 IG 火速爆紅，不像其他造型蛋糕店、放上膠 figure 就算，整個蛋糕無論多肉植物、3D 動物公仔和泥土都食得，維肖維妙，放喺真 · 盆栽旁邊，都睇唔出係蛋糕。

製作工夫多，想訂要預早 7 天！蛋糕店由情侶 Naomi 和 David 開設。「坊間的造型蛋糕多以牛油忌廉、糖皮、豆沙裱花裝飾居多，靚但味道甜膩，不少人都把忌廉及糖皮掉棄，好浪費。」Naomi 說。她於是以慕絲取代牛油忌廉和糖皮，盆栽蛋糕裏的多肉植物、動物都是用慕絲製作。

蛋糕上以慕絲製的多肉植物和動物的像真度，需要經過 2 晚才完成，慕絲選用北海道 3.6 牛乳製作，包括牛奶、伯爵茶和朱古力口味，倒進模具冷藏一晚，隔天在冷凍狀態下噴上一層薄朱古力噴沙，製造霧面的效果。裝飾部分會先在蛋糕面灑上 Oreo 碎，扮作泥土，然後再放上解凍後的多肉植物和動物，綴以生果，視覺效果 100 分！

二人對食材的要求嚴格，蛋糕選用日本麵粉、日本雞蛋和北海道 3.6 牛乳製作，成本不便宜，但蛋味更香，底部用日本麵粉做的戚風蛋糕鬆軟綿密。盆栽蛋糕有士多啤梨乳酪慕絲、特濃朱古力脆脆慕絲、粒粒麻糬伯爵茶慕絲 3 種口味，其中士多啤梨慕絲，以新鮮士多啤梨果肉、糖、乳酪、淡忌廉和魚膠粉製作，蛋糕仲會夾上一層紅桑子啫喱，食落更有層次。

店家仲有提供其他蛋糕，好似芒果忌廉戚風蛋糕、3D 動物立體造型蛋糕、焦糖原味巴斯克芝士蛋糕及戚風三文治等，好味又打卡！

↓點擊圖片放大↓

+5

+4

「森林系三隻小豬」盆栽蛋糕 $608
店家招牌，與真的盆栽植物一模一樣，以慕絲製作生動的小豬，打卡十足！多肉植物上甚至有鏡面啫喱做的水珠，好逼真。

「怎麼可以吃兔兔」盆栽蛋糕 $588（6 吋）
內餡是伯爵茶麻糬蛋糕，以倫敦著名品牌伯爵茶葉製作，配搭伯爵茶戚風蛋糕及自家製的牛奶麻糬。

全慕斯多肉植物盆栽蛋糕散水餅裝 $68-$72 個（8cm）
盆栽蛋糕亦有迷你 size，適合做散水餅！口味用料跟大盆栽一樣。

夏日鮮芒忌廉戚風蛋糕 $418（6 吋）

芒果蛋糕夏季用台灣芒果，踏入秋冬季選用澳洲加利利芒果，非常多果肉。！

3D 可愛動物立體造型蛋糕 $680起（5 吋） 、$800 起（6 吋）
新出品，手唧 cream，細緻度高，造型可愛，大人小朋友都喜愛！

戚風三文治 $30、$32、$34 件
有特濃朱古力鮮忌廉配香蕉脆脆、伯爵茶鮮忌廉配麻糬及爆餡芒果鮮忌廉 3 款口味。戚風蛋糕配上鮮忌廉，簡單又好味。

盆栽裏是士多啤梨慕絲蛋糕，以新鮮士多啤利果蓉及乳酪製作，配搭原味戚風蛋糕及一層紅桑子啫喱。

【info】
瑪莉工房
地址：觀塘成業街 19-21 號成業工業大廈 14樓 35 室（只供取貨）
電話：從缺
營業時間：10am-8pm
備註：1. 所有蛋糕甜品均須提前 3-7 天訂購
2. 可於瑪莉工房 IG 帳號 mali.factoryyy DM 訂購蛋糕