新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

發佈: 2022.01.28
文: U Magazine

text│Amy、Sieg  photo│wyman、jay、kent、相關機構

寓意「盤滿缽滿」同「閤家團圓」的盆菜幾時都啱食,春節特別多聚會,不妨定訂盆菜招呼親朋好友,編輯部精選了以下幾間,希望大家都啱食啦!
-----------------------------------

【Best Picks 1│霸氣長腳蟹盆菜】

日系花藝 cafe favilla 也加入戰團推出糅合日本及本地食材盆菜。盆菜分 4 人及 8 人分量,基本配料相同,再依不同價位配以磯煮鮑魚、珍寶虎蝦、波士頓龍蝦或挪威長腳蟹。

上圖這個凍盤赤色長腳蟹.原隻厚肉珍寶虎蝦盆菜,$3,188 八位用,每人都不過 $400 左右。盆菜上的挪威長腳蟹夠霸氣 3 公斤重,鮮甜啖啖肉,大大隻的虎蝦也有 10 隻之多。基本配料則有 15 款,日式的有日本帆立貝、廣島蠔、日式豚角煮、年糕福袋、帆立貝、豚角煮;本地的食材則有林昌記白魚蛋、打丸佬的芫茜牛丸及胡椒豬肚丸及上水蕉徑種植的蘿蔔。
  
盆菜配的日式高湯由豬骨、老雞、昆布、鰹魚等熬足 6 小時製,店主更建議不妨自行準備白飯及雞蛋,像日本人般歎完盆菜後加入做成雜炊。吃完盆菜,鍋子可留,是麥飯石鍋,可直火或電磁爐加熱,屋企又多個鍋用。

〖favilla〗
訂購網址:按此
供應日期:即日至 2 月 28 日
備註:1. 須於 5 個工作天預訂
2. 包免費送貨(送貨至樓下自取,不設上門),初二及初三送貨需額外 $100 附加費
3. 訂購兩盤盆菜,可獲贈華爾登咖啡掛耳包 1 盒
4. 每張自取訂單可獲贈 $100 favilla 現金券 2 張

凍盤赤色長腳蟹.原隻厚肉珍寶虎蝦盆菜(8 人份) $3,188
包括原隻挪威長腳蟹、虎蝦、日本帆立貝、廣島蠔、日式豚角煮、林昌記白魚蛋、打丸佬芫茜牛丸及胡椒豬肚丸等。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

白蘿蔔選用上水農村蕉徑的出品,加入麥麩種植,無渣夠甜。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

長腳蟹本身已熟,當冷盤吃或加熱後蘸湯汁吃都得,鮮甜啖啖肉。

豚角煮以味啉、醬油等蒸煮過,入味軟諗。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

訂購 2 盤盆菜,送華爾登咖啡掛耳包 1 盒。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

日式高湯熬足 6 小時,非常鮮甜。

------------------------------------------------------------------

【Best Picks 2│印式咖喱盆菜】

這款盆菜由一向好有諗頭的新派火鍋店酒鍋推出,盆菜裏堆滿了印度美食,如紅咖喱牛、青咖喱魚、番茄大蝦、牛油咖喱雞、印度烤雞及印度咖喱角等印度美食,一打開包裝「印度味」已湧出嚟!

也少不得港人愛吃的海鮮,如黃咖喱燒鮑魚、青口及墨魚仔,底部則有香料椰菜、娃娃菜、栗米、自製鷹嘴豆薯球等。盆菜配上用黃咖喱粉、印度香料、蒜頭等煮成黃咖喱煮的湯底,很貼心配埋自製的印度蒜蓉牛油 Naan Bread,用來蘸盆菜湯汁食好正。

配料吃完,湯底仲可打邊爐,訂這盆菜還會附送生菜、刀削麵及自家製炸魚皮,一爐兩吃,價位每人約 200 多元,成班後生拜年可以諗諗。

〖酒鍋〗
訂購網站:按此
電話:2321 9038(尖沙咀店)、2323 7098(銅鑼灣店)
供應日期:即日起至 2 月 28 日
備註:1. 須於至少 3 天前預訂
2. 盆菜可選擇外賣自取或送貨,送貨九龍及新界區收費 $300、港島區收費 $200

金屋藏嬌 $988(6 人份)
包括紅咖喱牛、青咖喱魚、番茄大蝦、牛油咖喱雞、印度烤雞及印度咖喱角等印度菜,印度香料味非常突出,層次豐富。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

印度咖喱角
外層香脆,內裏有咖喱薯仔,好惹味!

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

印度烤雞
選用三黃雞製作,以印度香料、蒜頭等醃製再燒香,juicy 入味。

黃咖喱燒鮑魚
大隻的南非鮮鮑魚以黃咖喱煮過,惹味彈牙。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

以黃咖喱粉、印度香料、蒜頭等自製的湯底帶微辣,香料味有層次。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

自製的印度蒜蓉牛油 Naan Bread,蒜蓉味超香,可用來蘸咖喱湯吃。

盆菜還會送刀削麵及炸魚皮,同黃咖喱湯底好夾。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

--------------------------------------------
【Best Picks 3│矜貴佛跳牆盆菜】

今個新年想食得豪氣啲,不妨試試高級新派中菜館 Mott 32 的佛跳牆盆菜,加入澳洲鮑魚、北海道元貝、澳洲海參、花膠及韓國花菇、本地金蠔等矜貴食材製作!其他傳統食材有走地雞、新鮮海蝦、波蘭鵝掌、魚唇,加埋自家熬鮑魚蠔豉汁加熱吃,高質好味。

〖Mott 32〗
地址:中環德輔道中 4-4A 號渣打銀行大廈地庫
電話:2885 8688
備註:1. 即日供應至 2 月 6 日,須於 24 小時前預訂
2. 可經按此訂購
3. 亦可透過 Oddle 或 Deliveroo 下單,消費滿 $1,500 以上將獲贈 Howard's Folly 葡萄酒一瓶

佛跳牆盆菜 $2,680 六人份
包括澳洲鮑魚、北海道元貝、澳洲海參及花膠等矜貴食材,好豪氣。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

------------------------------------------------------------

【Best Picks 4│爆旺辣汁盆菜】

小炒店楚撚記出了一款辣的盆菜──五福臨門虎年至尊盆菜,可選虎躍龍騰爆旺火辣湯汁,分大、中、小辣。盤菜裏有原隻蠔皇鮑魚、鮑汁扣鵝掌、原隻養顏花膠、原粒瑤柱、發財金蠔、豉油皇虎蝦等等,人均價位是 200 多元,大堆頭又唔貴,啱晒後生仔。姊妹店火鍋撚也有賀年盆菜供應,常見盆菜用料外,還配上招牌湯底。

〖楚撚記〗
電話:9280 7603(whatsapp)
購買方法:可於按此 訂購
備註:1. 1 月 29 日至 2 月 6 日供應
2. 亦可於荃灣店自取

〖火鍋撚〗
電話:6683 5853(whatsapp)
購買方法:可於 按此訂購
備註:1. 1 月 28 日至 2 月 6 日供應
2. 亦可於中環及旺角店自取

五福臨門虎年至尊盆菜 $2,088(大,9-10 人用)、$1,388(中,5-6 人用)、$988(小,3-4 人用)
楚撚記推出,可選配原味鮑汁或自選辣度的爆旺火辣湯汁,盆菜跟唐生菜一客送,也送楚撚記秘製香辣菜脯 x 辣椒醬套裝。

火鍋撚虎咁威新春賀年盆菜 $1,888(大,9-10 人用)、$1,188(中,5-6 人用)、$888(小,3-4 人用)
每個盆菜會配上火鍋撚招牌湯底,三選一,包括沙嗲湯、麻辣湯、養生白湯,配料有原隻蠔皇鮑魚、北海道帶子、豉油皇大虎蝦、鮑汁螺片及美味香妃雞、鴨血及蜂巢豆腐等。

新派盆菜 Best Picks(下) 霸氣長腳蟹盆菜 / 印度口味火鍋盆菜 / 刺激辣汁盆菜

↓【免費送🎁】微熱山丘全新造型香蕉窩夫餅乾禮盒100盒!↓

↓ 進駐香港十週年大贈送│送埋香港獨家限量版布袋~↓


↓【必收藏】最新深圳食買玩攻略!↓

↓ 大灣區一小時生活圈!最新打卡熱點/熱門美食等!↓

more