一粥麵酸辣一人火鍋！一鍋二食 $69晚市早鳥優惠！

一入秋就心思思想打邊爐，但秋冬天口淡淡又想食下酸菜魚刺激下味蕾，小朋友就話要做選擇，大人梗係全部都要啦！依家嚟一粥麵就可以得一「嚐」二，一次過滿足大家兩個願望！ 一粥麵 全新推出「酸辣對決系列」火鍋，酸嘅講緊係「客家酸菜魚火鍋」，而辣嘅就係「金栗香辣雞火鍋」，前者以酸辣濃湯搭配嫩滑魚片、豬肚、木耳同大豆芽等配料，酸酸辣辣，送飯一流！後者則加入特別調校嘅麻辣醬汁，香栗煮得入味，雞件亦非常鮮嫩，鍾意食雞煲嘅你又點可以錯過！食完特色鍋物再加湯打邊爐，一鍋二食就係咁簡單！套餐除咗跟白飯或烏冬、唐生菜及飲品，大家亦可以優惠價$15加配美國穀飼肥牛，連牛魔王都話正！畀多個貼士大家，「酸辣對決系列」火鍋原價$88，依家只要喺傍晚6點半前購買，仲有早鳥優惠價等住大家，$69就歎到暖笠笠一人邊爐，自私食又得，約埋朋友一齊試下就更加正喇！

#一粥麵 #一人火鍋 #金栗香辣雞火鍋 #客家酸菜魚火鍋 #雞煲 #酸菜魚 #打邊爐