全新D24榴槤蛋糕甜品登場！增量版榴槤蛋糕／爆餡大福

召喚榴槤控！終於到左榴槤當造嘅季節，聖安娜餅屋推出左一系列榴槤蛋糕甜品，今日就同大家一齊開箱睇下有咩啦~

全新D24榴槤大王超打卡，立體造型望落去好似真榴槤，而且選用頂級馬來西亞D24榴槤製作，榴槤肉枕頭由以往嘅2粒增量至4粒，食得更滿足。輕量版都有呢款D24榴槤拿督，$200有找就試到！

除左兩款蛋糕，黎緊七月尾都會推出爆餡煙韌嘅D24榴槤大福同有滿滿榴槤忌廉嘅D24榴槤王波士頓漢堡，大家記得密切留意~