牛角Buffet 新Menu懶人包！$228起任食牛五花！比舊Menu平左$400？

話說早前牛角Buffet推出嘅新Menu引起大家熱烈討論，今日就等小編率先幫大家試試！

新Menu最大特色係採用左日本國產牛，亦即係福岡嘅玄米黑牛，入口軟腍，而且油花均勻唔會太油膩。

另一個革新就係依家最平嘅套餐只需$228都有牛食！可以選擇牛五花、日本豚腩肉、雞腿肉、豬頸肉等肉類，價錢夠曬親民。

想食豪啲，最貴嘅套餐只需$698就可以任食171品，包括黑毛和牛、松葉蟹腳、甲羅燒、帆立貝等，比起舊Menu同等級套餐足足平左$400！不過要留意依家就冇左鴨肝多士啦～

總共六個套餐都可以免費享用自助區超過40款美食，包括牛角飯、全新意大利朱古力雪糕、汽水果汁等。

綜合黎講，今次牛角Buffet新Menu整體性價比都upgrade左，而且仲可以試到日本國產牛，各位燒肉迷都不妨試試啦～