打邊爐一字寄曰：鮮。沒有新鮮的材料，任湯底口味再刁鑽，也不成事。諗頭多多的 Amos，經營多間不同類型食店，但始於對火鍋情有獨鍾。出於個人對「鮮」的追求，他索性把店子塑造成「街市」模樣，點選邊爐配料時，客人就像逛市場買餸一樣，看上哪一款？海鮮、肉食、蔬菜統統可自助帶返枱，即烚即食；這就是「鮮入圍煮」誕生的理念。
配料區打造成街市模樣，絕非虛有其表，所有材料一律是當日最揀手新鮮靚貨，海鮮均以時價發售。「舖頭五點半開始營業，我們員工在半小時前方把材料從附近奶路臣街街市捧回來，那邊很多海鮮檔，款式夠多，看篩箕裡花竹蝦扎扎跳幾生猛！」Amos 說。綜觀店內選擇，始終海鮮最強，鮑魚、花甲、東風螺、泥鯭、魷魚、䱽魚、連鯊魚仔都有，更有活田雞即叫即劏。Amos 還熱烈推介胡椒豬肚雞湯湯底，雞裡釀有胡椒、圓肉、杞子，原雞再套入豬肚慢燉 4 小時，胡椒湯雖然辛辣，但非常滋補，未打邊爐前已可當燉湯飲，老闆更貼心地免費為客人加添原湯。
Amos 是戀舊之人，他不單止把街市布置得有親切街坊味。濕地街市是香港生活文化的象徵，火鍋店以此作招徠，以「鮮」吸引火鍋狂熱分子。連帶舊搪瓷漱口杯亦在店內被充當啤酒杯，玩味十足。
游水生猛花竹蝦 時價
蝦肉鮮爽甜美，每日限量供應。
手切頂級牛肋骨肉 $138
牛香濃郁，妙在雖為薄切，卻有牛柳粒的嚼感。
花甲皇 約$28-38 /隻 (8 吋)
大大隻靚花甲，烚後湯底更清鮮甜美。
鮮鮑魚 約$28 /隻
手掌般大的活鮑魚，肉厚飽滿。
干燒貝 $22 / 6 粒
仿烤元貝質感，貝肉絲絲有致。
魚蛋皮小籠包 $28 / 4 粒
全城獨家，從大埔老字號「振興」特別訂製，爽彈的外皮包住肉餡，烚後如小籠包般肉湯豐腴。
原隻豬肚胡椒雞湯湯底 $288
胡椒湯雖辛辣，但有圓肉杞子潤燥，好滋補。
鮮入圍煮
地址：旺角登打士街登打士廣場 2 樓
電話：2782 2003
(原文摘自《U Magazine》、文：leek、winnie、圖：paul)
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
