依家韓風吹得超勁，個個少女都迷韓星、韓劇 、 韓衫、 韓妝，真係睇得出嘅心韓。老媽子教落：執輸行頭，雖然我無中星星毒，但都死跟架啦，免得畀人覺得 out 嘛。
話說呢間舖在香港開左一段時間，但我都未有機會試，因為長期有人龍門口排隊，對於我呢種極怕排隊嘅人士嚟講，都係做出最精明嘅決定－－等無人龍先排！點知我呢個想法實在太天真，由舊年開舖到依家都係人龍見首不見尾，好多韓系打扮嘅妹子、G Dragon look 嘅少男排密個門口，一睇咁嘅情況，都係要去排一次架喇！
我晏晝三點幾去排，都有十幾個少女等緊，不過都係十零分鐘就安排度有位。咦咦咦，餐廳有紅磚牆、巴士站牌，有啲韓劇 feel 喎，原來起首爾，餐廳成日畀電視台借嚟拍戲，Dream High 2 咪就借用過嚟拍囉，啲後生仔梗係要潮聖去啦。價錢唔貴又大份，後生仔梗係再鍾意多啲啦。
呢度嘅韓國食物都好潮，好似將意菜墨汁飯變成飯卷再配醬汁，仲要擺到好好似花咁，來到必點的炒年糕，又唔一定配果個橙橙紅紅嘅辣汁，換左配意式 carbonara 醬炒，又夾得幾好喎，連韓式炒飯用鑊仔上。
唔記得叫大家千祈、千祈、千祈要叫一 jar jar 嘅飲品，幾款都唔錯，無酒精合家歡架，一 jar jar 差唔多有四杯，好抵飲。依家沙田同九龍塘都有分店，幾近商台，收工可以去吃了。
烏卒卒 $ 68
紳士先生 $ 62
廚師卡邦尼年糕 $ 68
太陽泡菜炒飯 $ 84
藍莓爵士艾菲 $ 98
School food 三式炸雞籃 $98（銅鑼灣店限定）
School Food
地址：銅鑼灣勿地臣街 1 號 13 樓 1302 室
電話：2480 3666
營業時間：12nn-11pm
(原文摘自《U Magazine》ISSUE 462、文：小儀、圖：lam)
