據文獻記載：「最早的薯條記錄出現於 1789 年的巴黎新橋區！」薯條自法國傳入美國，成為普及快餐。美國人配茄汁，英國人配炸魚麥醋。今時今日，充滿創意精神的香港廚師，更創作出 N 種繽紛口味醬汁配薯條，滿足薯條精。
法國男自製火柴薯條
去正宗法國餐廳叫牛扒，會附上一堆薯條﹔法籍大廚 Matthieu Bonnier 更講究，堅持每日自家製薯條。幾個月前更在餐牌上闢出一欄，讓客人單點或拼盤，並設計了 11 款自選醬汁配搭。
他推崇家鄉出產的 Agria 薯仔，來做炸薯條。「Agria 薯仔薯味新鮮帶微甜，薯身挺實，炸炒焗多種烹調法都合適。」Matthieu 說。他做的法國薯條有兩種粗度，「一般」和「特幼」，前者連皮，後者幼如火柴。「法國一直有這麼幼的薯條，香港反而少見，因為多數廚師怕功夫多麻煩。」做火柴薯條一點也不簡單，他先將薯仔去皮，刨成0.2cm 的幼條，再放 60-80℃ 風乾爐抽走水份，才拿去炸一分鐘。用芥花籽油炸，可保持長時間高溫而不變質。取起薯條放吸油紙上，略為 cool down，再下油炸多次至金黃色，撈起加幼鹽，再重覆放入風乾爐。一熱一冷工序，令薯條乾身全面脆卻不油膩。
在這裏，點薯條拼盤最 so，可一次過試勻 7 種醬汁，自製醬汁鮮味香濃，滿足多心的慾望！
Matchstick potatoes $48 / 碟
法國 Agria 火柴薯條，比一般薯條炸得透徹，脆得平均，薯味突出。
Mixed French fries with 7 sauces $198
美國薯條：薯味重，質感堅挺。
法國 Agria 連皮薯條：薯味原始天然，比美國薯條更濃厚。
法國 Agria 火柴薯條：比一般粗度的薯條脆得多，薯味一樣重。
藍芝士醬、胡椒忌廉汁、香草洋蔥乾蔥汁、巴黎牛油汁、香蔥白酒牛油汁、黑松露忌廉汁、荷蘭汁
French Window Brasserie and Bar
地址：中環國際金融中心商場 2 期 3 樓 3101 舖
電話：2393 3812
營業時間：星期一至六及公眾假期 12nn-3pm、6pm-11pm，星期日 12nn-9pm
英倫風 Cafe 歎薯條
薯條專門店，除了 New York Fries、愛爾蘭瘋薯，還有 Chips Republic Cafe。
位處高級商場Elements，由 4 年前只賣薯條、容納廿人的小店，到去年遷往千二呎大舖，升格 cafe，店子主打多達 12 款薯條，更增賣 burger、英式批、沙律、小食。不時新戲上畫，電影人員包場做宣傳，周潤發、謝霆鋒、張家輝都食過這裡的薯條。
港人老闆Peter在英國長大，出於情意結，裝潢大玩英倫風，牆上畫了Beatles、英女皇、英國名勝漫畫，又擺放了寬敞的梳化椅和designer chair。
12 款薯條之中，芝士口味佔 8 款之多，芝士肉汁、煙肉芝士、三重芝士、黑松露芝士、辣芝士等，用美國車打芝士做 base，芝味濃香。較新口味有「酸忌廉牛油果」和「奇尊蒜香蝦」，前者靈感源自 nachos，牛油果醬身豐厚 creamy；後者採美國常見Aioli 蒜香沙律醬，混了 cajan 粉，帶點點辛辣，點薯條好香口。薯條用肥大的美國 Russet 薯仔做，高澱粉質，重薯味，挺身實淨，慢慢食攤耐了也不易變腍。薯條用葵花籽油混合棉籽油炸成，沒掩蓋薯仔原味，食完手指沒沾上一滴油。
奇尊蒜香蝦薯條 $55
蝦肉以 cajan 粉醃至入味。Aioli 蒜蓉沙律醬滲蒜香，辣辣地幾惹味。
辣味芝士牛肉醬薯條 $45
混入了紅腰豆、番茄和洋蔥煮肉醬汁，配搭芝士份外濃郁。
酸忌廉牛油果薯條 $42
牛油果醬好 rich，加埋番茄和洋蔥，更添清甜。
Chips Republic Cafe
地址：九龍站 Elements 2 樓 2132A 舖（Grand Cinema旁）
電話：2581 1887
營業時間：11:30am-10pm
(原文摘自《U Magazine》)
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
