香港的韓食，終於不再是燒肉炸雞了，今次有韓國薄餅界大哥 Pizza Maru 登陸。Pizza Maru 是韓國薄餅界大哥，品牌剛獲 2014 年韓國 Top 100 Brands 之一，連續 4 年獲選為民眾最喜愛品牌，在泡菜國有近 600 間分店，更經常堆滿人龍。這店獨沽一味的招牌綠茶 pizza 好特別，其麵團配方更在韓國取得專利權，粉團裏加入綠茶、亞麻籽、小球藻、大麥等共 12 種穀物的特色麵團，並至少低溫發酵一日，使麵團質地像 BB 肌膚般柔軟富彈性，焗出來的批底零舍煙韌有咬口。
香港店師傅更在開店前送往韓國學藝一個多月，主要用料、醬汁亦是 100% 韓國直送，每日在香港工場做好麵團再運到店中；到店後也有不少功夫，每個薄餅都經人手即叫即拉並放入壓餅機中搓揉，餅底厚薄均勻，邊位厚度約 1cm、中心部分更只有 1 至 2mm 厚，款款都有很濃的穀麥香，嚼勁十足，味道質感與韓國吃的一樣。
綠茶批底可配搭10 多款不同口味的 topping 可配搭，像配紅酒牛肉的「韓式嘉年華」、芝士滿滿的「芝心 Maru 大哥」、帶微辛的「海陸雙辣」等，還有香港少見加入薯角的 pizza 等。批底都多花款，好像有雙重芝士批邊，還有加入韓國番薯慕絲、車打芝士和 Mozzarella 芝士的「金芝邊」批邊，蕃薯味不算突出，但食落有點點粉糯甜香，最啱配以油膩感重的韓國烤肉做 toppings。薄餅以外，仲有 Carbonara 年糕、韓式白汁煮意粉等，為本港一式一樣的韓食文化帶來新鮮感。
韓國烤肉金芝邊 $111
混入綠茶的麵團做出的餅底，可配搭不同餡料，而且批邊加入韓國番薯慕絲、車打芝士和 mozzarella 芝士，口味帶甜，拌以膩感較重的韓式烤牛肉粒和芝士，好 match！
韓式嘉年華 $103
Pizza 上放滿紅酒煮的牛小排、西蘭花、椰絲及 4 款不同芝士，配料超豐富。
芝心 Maru 大哥 $103
鋪有煙燻雞肉、火腿、蘑菇及濃濃番茄醬的薄餅，配以雙重芝士的批邊，口感層次加倍提升。
白酒鮮蝦玫瑰意粉 $68
用新鮮活蝦加上帶辣的韓式白汁及白酒煮成，意粉索滿醬汁，口感 al dente，很好吃。
太陽芝士泡菜炒飯 $58
加入酸辣泡菜、紫菜、煙肉碎、芝士等的炒飯粒粒分明，搗爛蛋黃把飯粒沾滿蛋漿，更香口。
蒜香甜辣秘製炸雞 $89
半隻炸雞拌以韓國直送的辣醬，有很重的蒜香甜香，讓人不知不覺掃清光！
卡邦尼年糕 $48
參考西式 Carbonara 的做法，但韓式醬汁帶點辣味，質感煙韌濃惹。
Pizza Maru
地址：銅鑼灣軒尼詩道 500 號希慎廣場 11 樓 Kitchen 11
電話：2318 1012
(原文摘自《U Magazine》)
