法國餐廳 French Window 近年逢周日推出全天候 semi buffet，所謂「全天候」就是在 12 點至 9 點期間，任何時間都可以進場任食 4 小時，每位不過 $498。以中環區來講，價錢相宜，所以逢周日都 full booking。更好的消息是，今個聖誕 25 及 26 日，餐廳會搞埋法式半自助聖誕餐，最難得是價。錢。不。變！換言之 book 過 dinner buffet 都只是 $498，呢個價錢真係贏晒！
頭盤、凍海鮮、cold cut、芝士、甜品，放 buffet 枱任取，主菜 5 選 1。食材大多用法國貨，海鮮如三款法國生蠔、藍青口、麵包蟹；前菜如Bayonne 火腿臘肉腸、5 款軟硬芝士；火雞餡料糖漬栗子、BB 椰菜；主菜油鴨脾，甚至千層酥泡芙等法式甜品，均採用 Valrhona 朱古力及法國牛油忌廉。不論自製三文魚 terrine，抑或自製 Blinis 餅配三款醃製三文魚，也貫徹法國風味。聖誕節更特別新加原條鹽焗三文魚，三文魚迷一定大滿足！現場更設有奄列、意粉、藍青口及窩夫法式薄餅 cooking station，即點即製。主菜選擇有法國油鴨髀伴朱古力汁、番紅花海鮮周打湯、法式牛柳及黑松露芝士奄列，最貴的是油封鴨脾 ，散點也要 $298。
場內對正海景同埋今冬最叫人期待的幸福摩天輪，慢慢擦足 4 個鐘，仲可以去坐返 round 浪漫一番！
French Window Brasserie and Bar
地址：中環國際金融中心商場2期3樓3101舖
電話：2393 3812
聖誕 Semi-buffet︰12月25及26日 12nn-9pm，客人自選 4 小時，成人$498、小童$388（加 $200 無限添飲法國名牌 Veuve Clicquot 、Perrier-Jouet 幾款香檳、氣酒、餐酒及啤酒）
交通︰港鐵站香港站E1出口
泊車︰國際金融中心 $22/hr
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
