天氣凍凍，除了想吃火鍋、BBQ外，另一想法就是吃羊腩煲，節慶氣氛十級濃郁，唔想火鍋同西洋佳節沾唔上邊。做開廣告的店主 Amos 於是就諗到做西式火鍋，黑草羊腩煲係啱食但略嫌麻甩土氣，少女客怕怕，於是老闆索性把洋人用來過節的黑松露羊架變做火鍋，仲變埋一鍋三吃，體驗很是破天荒。
這個爆趣鍋名為「羊支金露」鍋，吃前先讓我們拆字了解一下火鍋內涵，「羊支」是 4 或 8 枝骨的紐西蘭羊架。
「金」寄之曰矜貴的日本金箔、「露」則是香噴噴的黑松露油，大件頭嘅原條羊架先在廚房以黑松露煎香，再拿到廳面堂煮兼噴上漂亮的金箔後，加矜貴的老火龍躉骨湯將羊架煮至六七成熟，先吃羊架、進而再喝碗魚羊湯、最後加埋喺街市檔柯打來的海鮮打個靚邊爐，好睇好玩好食，一次過完成三個願望。當然，性格同口味比較念舊的也可以選回雞煲花膠湯、鮮胡椒豬肚乾坤雞湯 2 款老火湯底。
鮮入圍煮
地址：旺角登打士街43H 登打士廣場2樓(家樂坊對面)
電話：2782 2003
營業時間：星期一至日 5:30pm-3am
收費：只收現金，設加一
交通：港鐵油麻地站A2出口
泊車：柏裕中心 $24/hr
平均消費：$200
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
