[必食]十大$100以下宵夜！

今日都已經係2014年最後一日喇，難得聽日放假，無理由唔約班friend出嚟玩下嘅！倒數完咗之後，有少少想食嘢，可以去邊度呢？！Ufood馬上向你精選十間宵夜必食熱點！

尖沙咀

MangoChaCha - 甜品係最多人嘅宵夜選擇，食少少，唔太heavy，又可以圍埋繼續吹水。而新開嘅MangoChaCha 主打台灣芒果甜品，啱晒一眾女生嘅口味。作為男士嘅就……當陪下女仔啦！

MangoChaCha
地址：尖沙咀漆咸道南33-35號友聯大廈地下5號舖
電話：2723-2777
營業時間：星期日至四: 14:00–01:00；星期五、六及公眾假期: 14:00-02:00
必食：金牌情人、芒果窩夫、love is air

沛公甜品 - 如果唔係芒果迷，可以試下沛公甜品。沛公甜品雖然以榴槤貓山王作為重點推介，但其他嘅甜品都一樣咁色，想食中式甜品嘅或者朱古力甜品嘅朋友仔都可一試！

沛公甜品
地址：尖沙咀寶勒巷1號玫瑰大廈地下E舖
電話：2411-1139
營業時間：星期一至日:11:00-02:00
必食：榴槤千層班戟、心花怒放

豪隍點心 - 想食熱嘢嘅人，不妨去厚福街嘅豪隍點心飲夜茶，叫幾籠點心同friend一齊開心share，又唔會好heavy，仲可以繼續同friend吹水，正！

豪隍點心
地址：尖沙咀厚福街3號華博商業大廈地下2-3號舖
電話：2722-6866
營業時間：星期日至四: 11:30-01:30；星期五至六: 11:30-02:00
必食：豪隍蝦餃皇、蝦仁燒賣皇、蒜蓉芝士鮮蝦長春卷

李家 - 如果倒數完咗，你覺得好肚餓，你可以去金巴利道嘅韓國炸雞大王李家喇！除咗有必食嘅炸雞之外，仲有香腸捲其他食物，保證你一定飽飽返屋企。而且，李家仲會開到早上6點，幾夜都有嘢食，完全唔洗驚餓！

李家
地址：尖沙咀金巴利道84號金閣大廈地下
電話：2375-8080
營業時間：星期一至日: 14:00- 6:00
必食：香蔥炸雞、炸雞

New Istanbul Kebab - 想試特別啲嘅宵夜，可以嚟呢間24小時營業嘅土耳其小店New Istanbul Kebab，餐廳唔算好大，但甚具土耳其特色。夜媽媽仲可以試到呢種特色小店，非常難得。而且價錢適中，適合兩三位知心好友去「盡訴心中情」！

New Istanbul Kebab
地址：尖沙咀赫德道 1-3 號利惠商業大廈地下 8 號舖
電話：2369 6234 / 2721 6535
營業時間：24小時營業
必食：羊肉Kebah卷、Lamb doner

銅鑼灣

發記甜品 - 至於喺銅鑼灣倒數嘅朋友，當然要搵番啲銅鑼灣嘅甜品舖啦！唔洗多講，發記甜品，大家都識啦，我就不多作介紹喇！唔知你地鍾意食發記嘅邊隻甜品呢？我就偏向中式甜品多啲，例如蕃薯糖水，夠晒薑味，食完成個人都暖笠笠，warm到爆！

發記甜品
地址：銅鑼灣謝斐道482號地下7-9號舖
電話：2838-3066
營業時間：星期一至日:12:30-02:00
必食：榴槤飄香、榴槤班戟

五谷香粥店 - 想食熱嘢暖胃？可以揀五谷香粥店！食完成個人肯定暖笠笠，而且除咗粥之外，仲有其他中式小食例如蘿蔔糕。最重要係24小時營業，倒數完仲想玩多陣，凌晨兩三點去都無問題，一樣有熱騰騰嘅粥品等緊你！

五谷香粥店
地址：銅鑼灣渣甸街40號地下
營業時間：24小時營業
必食：皮蛋瘦肉粥、蒸蘿蔔糕

醉串 - 主打大小都愛嘅串燒，啱晒一班人「圍威喂」！

醉串
地址：銅鑼灣謝斐道440號駱克大廈B座C2地鋪
電話：2413-1769
營業時間：星期一至日: 18:00-02:00
必食：燒黑松露牛油帆立貝、煙肉荔枝卷、棉花糖夾餅、燒牛舌

一蘭 - 出晒名嘅一蘭拉麵，24小時營業，適合倒數完呻餓嘅朋友仔，一蘭有幾好食，我就唔多講喇，費事「賣廣告」！不過的確都係一個唔錯嘅選擇嚟嘅！

天然豚骨拉麵專門店一蘭
地址：銅鑼灣謝斐道440號駱克大廈A座地下H、I舖
電話：2152-4040
營業時間：24小時營業
必食：天然豚骨拉麵、半熟鹽煮蛋

亞坤 - 出晒名嘅新加坡過江龍亞坤，啱晒一啲想食而仲未去食嘅食家！之前亞坤咁hit，好多食家都呻日日大排長龍，懶得去食！倒數完咗再去，應該會易啲拎位！而且，亞坤有多款星馬食品選擇，無論你好肚餓，定係飽飽地想食snack，亞坤總有一款啱你心水！

亞坤
地址：銅鑼灣謝斐道500號維安商業大廈1-2樓
電話：3188 5288
營業時間：24小時營業
必食：咖椰牛油多士套餐、海鲜河粉、新加坡雞肉飯