大家都知雪糕同冰點喺香港係「四季常食」，所以就未去到最熱屎辣辣嘅時刻，我已經率先食下刨冰、食下雪糕冰鎮下自己，今次我就嚟咗呢間寶島過江嚟嘅好評芒果店解決熱親嘅煩惱。
台灣咪周街都係雪花冰、刨冰店，呢間勁呀，係台北成人有人龍，仲勁到米芝蓮都推介佢，林書豪返親鄉下都要食下，背景真係幾勁咁，去食冰無「奶油」唔去試下。到先知，呢度只用愛文芒嘅，愛文芒呀愛文芒，喺日本食係幾千円一個，好肉赤唔捨得買，估唔到呢度用親民價錢食到。
你哋唔好咁地區主意呀，挑機問我：「日本嘢同台灣邊有得比？」你哋有所不知啦，供應畀呢間舖嘅愛文芒果園，連日本人都要問佢攞貨，根本係日本入口水準，明明係同一樣嘢，不過中間無畀生果舖食咗差價，價錢咪咁親民囉。
愛文芒真係好正，同平時食嗰啲呂宋芒真係大不同，甜得嚟唔會酸，但又唔會甜到牙都痺，仲有陣芳香，軟腍腍無渣好似食日本桃咁，google 資料顯示甜度有成 12-15 度，真係得人鍾意，呢度就用佢做甜品。為咗保留台灣店正宗嘅味道，呢度由果肉、雪糕到雪花冰都係台灣做好再運來香港，啲雪花冰好薄好輕，而且唔會淨係得水，有好清甜嘅芒果味，最特別係加少少海鹽，吊起芒果味，食法好特別；「挫冰」都唔錯，啲冰用特別機器挫，好碎好易融，唔會好似傳統刨冰咁硬梆梆「銀」牙，加埋呢台灣總店製的黑糖，糖味清新又不會嗆喉，唔好睇佢咁大碟，遇到狼死嘅芒果迷，一陣就掃晒。唔夠喉，食埋即叫即製嘅窩夫同蜜糖盒子啦，裏面夾愛文芒雪糕，冰火二重奏令人欲擺不能，做好心理同胃部準備先好叫呀。
呢度真係流住芒果血朋友嘅天堂，呢度癲到有芒果面膜賣，敷上面唔知會唔會變成芒果咁香噴噴，唔小心畀 Dee Dee 同細佬佬咬一口呢？
MangoChaCha
地址：尖沙咀漆咸道南 33-35 號友聯大廈地下 5 號舖（轉入赫德道）
電話：2723 2777
營業時間：星期一至四 2pm-1am，星期五至日及公眾假期 2pm-2am
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
