以前從事慈善機構的小肥更會與教會合作，不定期都會去派飯、派糖水給畀需要人士，愛心爆棚。
此店主要做外賣，服務主要限於黃竹坑區，午餐時段大受區內上班一族人士歡迎。餐廳主要會做午餐、下午茶兩個時段，菜式全由小肥一手炮製，他堅持每日去街市買材料，確保食材新鮮有質素。簡單一道意大利飯，他特別自煮海鮮湯炮製，熬湯的料同樣講究，像蟹、魚、蜆全部選自香港仔魚市場，煲好的海鮮湯用來煮 risotto，味道香濃鮮味。
兩點半後，餐廳就會轉做下午茶，焗薯、西多士雖然簡單，但同樣落足心機製作，像煙三文魚沙律焗薯，薯仔內鋪滿煙三文魚，仲跟埋 caesar salad，份量好豐富。午餐每日仲會輪流供應一款不同國家的菜式，韓國、美國、泰國輪流轉，如此有誠意的小店，值得大家支持！
菜式推介：
煙三文魚天使麵 $56
午餐有十多款選擇，全包餐湯及香蒜包，$50 左右便有交易，價錢合理。像煙三文魚天使麵，便落足料和心思製作，甚有誠意。
香蒜鮮蝦意大利麵 $56
選用大大隻的海蝦，食落肉爽鮮味，配上用蒜蓉炒過的意粉，濃郁惹味。
墨汁魷魚意大利飯 $53
意大利飯全用自家海鮮湯炮製，湯底用蟹、魚、蜆肉和蔬菜熬成，飯粒吸盡當中精華，啖啖鮮味。
西班牙海鮮炒飯 $55
海鮮料沒有多到鋪滿面，但也有基本的青口、魷魚和大蝦，用料亦頗新鮮。
煙三文魚沙律焗薯 $50
下午茶餐分量豐富，像煙三文魚沙律焗薯，大大個焗薯，配以 caesar salad，好飽肚。
蛋沙律焗薯 $36
用 Mozzarella 芝士、蛋沙律焗製，將薯條 dip 落芝士和沙律醬一齊食，簡單滋味。
糧心製作
地址：香港仔黃竹坑業勤街 35 號金來工業大廈第 1 座 25 樓 N 室
電話：2889 6528
營業時間：星期一至五 11am-6pm，星期六 11am-3pm，星期日休息
