菜式由曾在 NOBU、九龍香格里拉大酒店工作的大廚 Michael 發辦，6 道菜各自滲入櫻花元素，如櫻花葉、花瓣、櫻花蝦、櫻花木，加上粉紅色主題，菜式的吸睛程度爆晒燈。
像前菜頭盤三點，有梅子喱、粉紅豆腐、北海道海膽及櫻花蝦刺身，透明的梅子喱中間釀了一朵盛開的食用櫻花，讓人賞心悅目；豆腐也大玩 pink，加了櫻花花瓣、紅菜頭做出天然粉紅色，味道香甜帶淡淡花香；放在玻璃瓶上的櫻花蝦刺身及海膽，則配醒胃的辣椒蘿蔔柚子汁，正好帶出櫻花蝦鮮味。
用櫻花入饌很常見，卻很少會用到櫻花木。今次 Michael 找來日本櫻花木，用來製作「創意刺身」，用木煙燻拖羅，刺身散發陣陣獨特香氣，配柚子麵豉醬、魚子醬品嘗，天然酸甜鹹味混為一體，不用蘸點醬油已很鮮味。甜品同樣有賣點，紅豆雪糕配上日本人賞櫻至愛的小糯米糰，讓櫻花餐來個圓滿 ending。由於以 Omakase 為主，店內座位僅有 18 個，加上是樓上舖，環境寧靜，可舒舒服服歎番餐櫻花料理。
六道菜櫻之料理 HK$1,288/位
Hanabi
地址：尖沙咀諾士佛臺 6 號 4 樓
電話：2723-2568
營業時間：12nn - 3pm、6pm - 11pm
收費：現金及信用卡，設加一
↓【限時搶⚡】 Midea美的25公升氣炸焗爐！↓
↓ 結合「氣炸」同「烘焙」︱0.2秒即熱︱7種烹調模式↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
