Cafe & Meal MUJI健康之食

春天嘅天氣經常令人昏昏欲睡，甚至食慾不振？不如試下無印良品新推出嘅春日料理，這次是以素食和櫻花為主題嘅料理。
和以往一樣無印良品都是以時令嘅食物去製作料理，而這次嘅自選料理分別有冷料理和熱料理，任君選擇。

自選料理一共有八款供食客選擇，全部都是以健康和輕食為主，當中有數款已經在上季推出過。
而其中嘅茭筍雜豆沙律更是小編嘅最愛！茭筍雜豆沙律嘅靈感是源自俄羅斯沙律，除了色彩鮮豔外，當中嘅芝麻醬酸酸的非常開胃，加入烚蛋，感覺就好像蛋黃醬一樣，和茭荀、雜豆十分相配。喜歡吃荀和蛋類嘅朋友一定會大愛這款沙律。

另外一款，忌廉粟米汁烤甘荀甜薯也是小編喜愛的！
當中的粟米是原粒剝落，加入忌廉打成忌廉粟米汁，雖然沒有加糖，但粟米和甜薯嘅糖份已經十分足夠。除了喺「送飯」之選外，亦相當健康！

還有蒜香八丁味噌烤雞翼也是健康之選，這次廚師選用了八丁味噌，當中的鹽份比起其他味噌少，所以相對起上來較清淡和健康，適合既想健康，又是愛好雞翼嘅朋友仔！

而數到最特別的可謂這個烤白洋蔥伴雜菌，雖然到4月27日先有得食，但小編現在就為大家率先試食！
它以半個洋蔥嘅形態上碟，但絕對沒有洋蔥嘅辛辣口感，因為配上黑醋，所以不但掩蓋了洋蔥嘅辛辣，更有增強食慾嘅效果！
因為白洋蔥有殺菌嘅功效，所以特以選擇白洋蔥入饌，而白洋蔥上嘅雜菌經過火烤，因此十分惹味！

以上嘅自選料理都會配以紅米飯，配合其健康嘅主題！

試完主食，當然要以甜品作結啦！今次無印良品嘅甜品喺以櫻花和士多啤梨作為主題，分別有櫻花白桃慕絲蛋糕、櫻花大長檸檬慕絲和士多啤梨果醋特飲，一共三款。

近期十分流行以櫻花入饌，這裏提供嘅喺鹽漬櫻花，配以慕絲一齊食，味道十分特別！而且櫻花白桃慕絲蛋糕當中更有一層是白桃，真的是「原汁原味」！另外一款櫻花大長檸檬慕絲，喺分開三個層次的，最上層是櫻花啫喱，感覺上有點「融融地」，但其實師傅是別有用心，他想以流質啫喱配上脆脆的crumble，增加口感，而下層就喺檸檬慕絲，十分清新！最後一款喺士多啤梨果醋特飲，可能好多人都驚士多啤梨會有陣假味或者太酸，但呢款特飲完全無呢個問題！士多啤梨好甜，而果醋特飲更是酸酸的，十分好飲！

自選3品料理 $88/份
包括任何3款熱/冷盤、米飯/十榖米、飲品 (由麵豉湯/咖啡/紅茶/烏龍茶中任選一種)

自選4品料理$98/份
包括任何熱盤2款及冷盤2款、米飯/十榖米、飲品 (由麵豉湯/咖啡/紅茶/烏龍茶中任選一種)

文/Kanelle

Café&Meal MUJI
地址：香港銅鑼灣利舞臺 3/F
營業時間：11am-10:30pm (最後點餐：10pm)