我認我認，我今次都係畀網上啲靚相吸引到嚟，招牌唔使講梗係搞到全城潮跟嘅冬菇包，喺呢個相機先食嘅年代，梗係同個冬菇包嚟個 selfie 先。唔係呀話？面頭撒咗朱古力粉嚟易容都唔夠，仲要做埋冬菇底個椗𠻹！如果唔係我事前做晒功課，真係會畀呢三隻嘢蠱惑嘢呃到。
不過謎底一早穿咗啦，明明係包扮冬菇都逃唔過被吞嘅命運啦。等我大大啖咬落去幫大家試真啲呢個「蠱惑的包」先。嘩，好香菇味呀，原來呢個係素包嚟，齋民都食得，裏面用咗松露醬炒，所以菇菇味呢...一個字：濃！樣靚味道更正，唔食佢哋真係對唔住自己。
相機想食度 No.2，梗係呢，梗係嗰朵粉紅玫瑰啦，據講心好多貼心男友會特登叫呢個包嚟冧下囡囡，呢朵饅頭花要配鍊奶食，啲女仔梗係食到 sweet 到痺啦，咁你就中正你個蠱惑男友嘅甜密詭計啦，不過 $29 就氹到嘅女友，世間罕有，男友們記得唔好放佢走。
呢度嘅點心養眼度好高，小菜其實都好正，調味都係少油嘅，不過火喉煮法都好正。其中我嘅心水就係蒸雞啦，唔好以為佢係普通嘢，目光唔好淨係放喺啲雞度，旁邊黑掹掹嘅都係主角嚟㗎，佢哋係發酵咗成 60 日嘅養生黑蒜嚟㗎，好健康；PR 姐姐高推嘅燉梨都好正，廚師好鬼細心，去咗核先用九製陳皮燉，無平日燉梨嗰陣怪酸味，滋潤到咁，啱晒我呢啲成日夜瞓嘅。
唐宮小聚
地址：中環皇后大道中 139 號 The L Place 2 樓
電話：3568 9666
營業時間：11:30am - 3pm、6pm - 10pm
想睇更多？即睇 中區 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
