新開在尖沙咀的 Tokyo Secret，以藝術甜品做賣點， 3 款招牌「主題特效雪糕」雪糕玩盡唔同視覺效果，滿足晒一班相機食先嘅客人。像「森之樹林」，就在抹茶雪糕上笠了大大舊綿花糖，論視覺效果已經贏晒，但亮點仍是底下的抹茶雪糕，店主 Water 選用的京都久丸小山園抹茶，比其他抹茶品種更濃更甘香，鍾意勁濃口味嘅客人一定唔會失望，入口香濃回甘，香味久久不散；清香口味則較溫和淡味，各有優點。
另外兩款雪糕，則玩出煙效果，「冬之富士山」用雪山做主題，藍白色主調加上出煙，造型夠晒夢幻，雪糕用了 3.7 北海道牛乳製作，香滑富奶香，加上藍莓醬和脆脆，味道無咁單調。
另一款「楓之火焰」則用法國紅桑子汁配榛子雪糕，將紅桑子汁淋入中間的乾冰，雪糕馬上變得煙霧彌漫，十足十火山爆發一樣。榛子雪糕的recipe更是取自米芝蓮甜品大師，加入少許海鹽炮製，甜度剛好，食落帶濃濃榛子香。
除雪糕之外，仲有賣 Affogato，傳統食法係將咖啡淋上雪糕，但 Water 則改成淋特色醬汁，如牛乳雪糕就可配紫薯、白松露吉士或tiramisu 醬，抹茶就可以揀蜂蜜玫瑰 latte、小山園玄米煎茶或十勝紅豆栗子醬，超有創意。
森之樹林 $38（試業優惠價）
抹茶雪糕下有軟綿綿的年輪蛋糕，雪糕用京都久丸小山園抹茶製作，有特濃、清香兩款味道揀，前者味道濃郁回甘，後者味道較清淡，抹茶控一定食唔停口。
冬之富士山 $38（試業優惠價）
3.7 北海道牛乳雪糕底非常香滑，加了藍莓醬和脆脆點綴，口感更富層次。
楓之火焰 $42（試業優惠價）
棒子雪糕用米芝蓮甜品大師的食譜製成，入口香濃幼滑，配上紅桑子汁品嘗，更加開胃。
3.7北海道牛乳 Affogato $32（試業優惠價）
可揀配紫薯、白松露吉士或 tiramisu 醬，令牛奶雪糕味道更豐富。
Tokyo Secret
地址：尖沙咀加連威老道 52 號地下 C 舖
電話：從缺
營業時間：11am-11pm
(原文摘自 U Magazine ISSUE 501)
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】勁送卡樂B粟一燒三重滋味套裝！↓
↓ 燒烤味🍖 / 香辣味🌶️ / 上湯龍蝦味🦞！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
