I Cremeria 新店繼續沿用意大利 coffee shop 設計，維持簡約 style，而今次新店有乜特別嘢？I Cremeria 推出尖沙咀店限定嘅 3 款新款冰飲，包括苺氷り Ichigoori、茶氷り Chagoori、柚子氷り Yuzugoori，水果分別採用日本高知縣嘅士多啤梨、廣島縣嘅柚子以及高知縣嘅茶葉，更用上無添加嘅日本高知縣天然水，連冰塊都從日本空運直送，真係夠晒講究！小編最鍾意嘅苺氷り Ichigoori，係一個小熊造型嘅士多啤梨冰，十分吸睛，小朋友們肯定鍾意。
除此之外，尖沙咀新店更首次推出 Frutta Giapponese by i CREMERiA 品牌，專門售賣日本直送嘅高級時令水果，暫時只有山梨縣白桃以及高知縣蜜瓜兩款水果發售，而蜜瓜更特別從日本高知縣運送「特秀」溫室蜜瓜到港，每一百個蜜瓜當中只有五個先可以成為「特秀」，配合特製原木禮盒，貴氣盡顯。
當然，I Cremeria 嘅皇牌產品霸氣蜜瓜雪糕 Deluxe Melon 芭菲、沢渡茶大福芭菲、抹茶 Affogato 系列都會喺尖沙咀新店有售。
I Cremeria
地址：尖沙咀海港城海運大廈 OT-G03A 舖
電話：2386-6266
營業時間：11:30am-10:30pm
相關報導：
北海道風！霸氣蜜瓜雪糕
想睇更多？即上 尖沙咀 / 甜品 / 銅鑼灣 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【請您試食】一粥麵「麻椒醬油雞」及「去骨海南雞」套餐！↓
↓香濃嫩滑︱辣中帶麻︱立即免費換領↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
