雅苑座推出海上龍皇自助晚餐，點會少得海鮮凍盤？凍海鮮有加拿大蟹腳、智利藍青口、挪威煙三文魚、凍蝦等等，還有洋蔥煙肉燒蠔、6-8 款新鮮即切魚生、5 款大板燒壽司如燒玻璃蝦、燒鰻魚等、雞油花雕龍蝦蒸豆腐、龍蝦海皇焗飯、椒鹽三文魚、金銀蒜蒸星斑等等，海鮮菜式非常多。
除咗海鮮菜式，多款中、西、日式美食不斷供應，包括粉龍蝦賽螃蟹多士、爐端燒、烚海鮮、烤肉車、燒味、燉湯等等。甜品方面則有朱古力噴泉、即制班戟、Haagen Dazs 雪糕及十多款特製甜品，咁多菜式選擇，肯定「返本」！
* 不適用於 10 月 20 日
* 不可與生日優惠同時使用
* 敬請一天前預訂
而自助餐達人月巴氏近日亦試食過，即刻睇下佢嘅食評先！
| 月巴氏食評： |
| 其實我最經常幫襯的是宵夜Buffet。不是因為那時段的我特別肚餓，而是因為那時段的我 OK 空虛——這裡所說的空虛同孤單寂寞冇人陪完全無關，而是一種不 OK 的精神狀況——經過一日（或成個禮拜的）辛勞，感覺自己被淘空了，好想塞一堆嘢落肚，去填補這份空虛。 咁多年來幫襯過好多間酒店的宵夜 Buffet。或許他們太明白大部分「夜間暴食人」但求塞飽個肚，於是只會以「塞飽你個肚」的態度處理：有啲（OK唔新鮮的）冷盤魚生啦加啲（OK求其的）熱盤啦再搭啲（完全唔OK的）Dessert，就 OK 啦。 所以宵夜 Buffet 總是給你一種好飽但不 OK 的失落感。那一夜，我又有種被淘空感，又去食宵夜 Buffet。唔知點解地，不像平日慌死蝕底，總是先食冷盤刺身打底，竟然先食熱嘢——脆燒豬腩肉。厚厚的一塊，食落唔月巴，加蘋果茸醬，感覺仲好 Fresh。我本人認為係必攞，除非，你唔食豬。另一必食，蒜茸蒸扇貝，第一 Round 我懶矜持地拎咗兩隻，心諗第二 Round 再慢慢攞啦，點知我冇再見到可愛的扇貝出沒，直到走嗰一刻都冇再見過……點解…… 沒有扇貝惟有食車仔麵（兩件事有乜關係？唔知）。令我想食車仔麵的唯一原因：豬腸（沒有豬腸的車仔麵？成何體統？）。有了豬腸，我仍嫌未夠搶，於是自行夾了兩塊滷水紅腸。豬腸紅腸都好 OK，至於那個喇沙湯底，可以更 OK。還有爐端燒——牛脷OK正；其他的串燒，落得太多醬了。 食了幾 Round 熱盤及車仔麵後我才施施然去拎冷盤。冷盤 O 不 OK？我會咁講：OK 不深刻。於是食了一 Round 後已經去攞甜品了（事實是當時的我已經 OK飽）。斑蘭 Pancake，OK 清新得意，但如果你接受不了綠油油的 Pancake 表皮，這裏也有提供金黃色的 Normal Pancake。離開，走在夜深的尖東，感覺充實而OK。但我好清楚，空虛好快又會襲來（於是又要去食宵夜 Buffet ）…… |
|
月巴氏 info 專欄及漫畫作家，曾推出小說〈超人間失格〉、專欄結集〈月巴事：然而人在世界誰能沒去路〉等。 自稱「孤獨的暴食家」，最愛單拖食 buffet，平均一個月至少食 2 次。他的 buffet 哲學──享受選擇自由，不計算回本與否。 |
雅苑座
地址：尖沙咀東部麼地道 69 號帝苑酒店 3 樓
電話：2733 2030
海上龍皇自助晚餐
供應日期：即日起至 10 月 31 日
供應時間：星期一至三、星期日及公眾假期 6:30pm-10pm；星期四至六及公眾假期前夕 6:30pm-9:45pm
價錢：星期一至四 成人 HK$548/位、小童 HK$448/位；星期五至日、公眾假期及其前夕 成人 HK$628/位、小童 HK$478/位
* 另設加一
想睇更多？即上 自助餐 / 尖沙咀 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
