| 試食專員－陳國強師傅 本地名廚陳國強師傅、曾任東來順顧問總廚，於烹飪比賽節目《大廚出馬》獲總冠軍，經常為飲食節目擔任嘉賓主持，對中菜非常熟悉。 |
格調高檔新派配搭 水上人
旺角新店水上人氣鍋，是一眾蒸鍋店之中的豪華新星。環境設計講究，尤如酒店級高檔中菜館。食物也走精品路線，不只海鮮選擇高檔，做法除了清蒸或一般蒜蓉蒸之外， 大廚特別設計幾款醬汁配搭，如香草汁、芝士汁、紅椒汁等，大膽創新。就算全晚只食蒸海鮮，都不會只得蒜蓉蒸咁單調，屬新派驚喜！
海鮮選擇
主打高檔海鮮，每晚起碼有三四十款選擇，以法國藍龍蝦、阿拉斯加蟹、牡丹蝦等外國海鮮最搶眼，而且全部是生猛游水，絕不是冰鮮貨，間中還會有超過 5 斤的大澳洲龍蝦！時令大閘蟹、奄仔、花蟹等按季節供應；魚類則以海魚為主，紅瓜子斑、老虎斑等常見款式都有，罕有款式如荷包魚都可預訂。貝殼類價錢逐隻計，魚、蝦、龍蝦、蟹之類則以每両計算。11 月更設有優惠，不同時段幫襯麵有 7-9 折，值得一試。
| 陳師傅 Comment：大魚缸放滿游水海鮮，似漁市場，客人可以自己揀，幾好！欣賞佢地嘅新派配搭，香草汁、西椒汁等，融入西式汁醬做法，帶出海鮮味，又唔似加蒜蓉般濃味，好清新！唔蘸豉油已經好夠味，食落仲比一般傳統蒸餸少油健康。 |
其他配料
海鮮以外，有打邊爐常見的雪花牛、手打丸、豆腐，又有已調味的蟲草花蒸新鮮雞、糯米蒸蟹或蝦、約十款蔬菜，部分加入金蒜調味，共有約廿款選擇。不時推出新菜，例如剛推出鮑魚臘味糯米飯。另有日式刺身供應，啱晒港人口味。
| 陳師傅 Comment：款式算多，蔬菜、肉類都有，選擇夠。 |
粥底
用上日本珍珠米、新鮮排骨及老南瓜去煮。（$88/ 細、$128/ 中）
| 陳師傅 Comment：最少要吃上五六款海鮮，才有足夠水份煮成南瓜粥。人多幫襯，可以煲近兩小時的話，粥底綿滑效果最好。 |
環境
鄰近朗豪坊，佔上 4 層，一、二樓以竹為主題設計，配合蒸鍋「草帽」，有心思。有卡位亦有圓枱，雲石枱新淨高貴，空間闊落。位於旺角，但似中環區高檔中菜館，連游水海鮮缸的設計都靚過人。4 樓更設有獨立房間，以大枱為主，坐得舒服，夠私隱。蒸鍋是最新款連計時器的型號，火力可達 2,800W，用上厚身 5 公斤重的陶瓷鍋及雲南訂製的籐蓋草帽，保溫效果佳，甚有特色。蒸爐及蒸餾水收藏在枱底，很企理。
| 陳師傅：環境高檔，好時尚，後生仔一定鍾意。感覺好舒服，鍾意靜嘅又可以揀客房，讚！ |
總評：
環境高級，格局花過心思。海鮮非常新鮮，特別鍾意新派醬汁，少油又好食，芝士汁簡直似食西式海鮮。食生猛海鮮就預咗唔平，呢度都算合理，例如大蟶子來貨成本高，$58 咁大隻，唔貴喇！
正宗水上人氣鍋專門店
地址：旺角砵蘭街 196 號
電話：2527 8883
營業時間：5:30pm-5am
收費：現金及信用卡，設加一，茶芥醬油 $28/位。
交通：港鐵旺角站 C 出口
泊車：朗豪坊 $28-$34/hr
平均消費：$400
備註：11 月推出優惠 7:30pm 前離座 8 折，9:30pm 後入座 8 折，11:30pm 後入座 7 折，其他時段 9 折優惠。
相關報導：
解構：大熱蒸鍋！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
