翡翠拉麵小籠包呢間旺角新分店，加入不少摩登嘅裝潢元素，較為 playful。而餐廳亦推出多款將傳統與創新結合嘅美食，包括雙辣小籠包、不是炒飯、八式拉麵、焦糖龍井蝦仁、椒鹽手把骨、脆椒辣子雞及炸響鈴，夠晒有心思。
雙辣小籠包
一籠有齊香辣、麻辣 2 個口味，分別為辣蝦、小籠包。小籠包皮以蔬菜汁著色，湯汁則以豬骨、火腿、雞肉一起熬製 6 小時，味道濃郁。
不是炒飯
呢道「扮炒飯」嘅不是炒飯很有 gimmick，將豆芽切成均勻細粒，再加入雞蛋、金華火腿粒、雞肉粒快炒，夠火侯。
八式拉麵
新店特設 8 款即叫即做嘅手工拉麵，炮製出水煮牛肉刀削麵、雪菜肉絲雙溝麵、鯊魚骨海鮮韭葉拉麵、蟹粉龍鬚拉麵、四川擔擔二細拉麵、炸醬大寬拉麵、上海雲吞三角拉麵和酸辣湯手揪麵片。客人可大玩 Mix & Match，自行配不同湯及配料，點配搭都得！
新店現設開業優惠！凡於旺角新店消費滿 $200 或以上即送炸響鈴 / 酸辣海帶絲，仲唔快啲約 friend？！
翡翠拉麵小籠包
地址：旺角彌敦道 628 號瓊華中心 8 樓
電話：2673 3839
營業時間：11:30am-11:30pm
歡迎你 like 我哋 U Food Facebook Page / U Food Instagram ，取得我哋更新更快嘅資訊！
