最 hit 海鮮巨塔！

繼早前推出嘅韓式海鮮塔，今次 Cafe Neo 推出九層海鮮巨塔，以不同海鮮配搭相關配料，有昆布蒸扇貝、荷葉蒸龍蝦拑、紫蘇葉蒸麵飽蟹、青檸蒸魽魚、木魚蒸蟶子、薑葱蒸黃金螺、金不換蒸青口、清酒蒸蜆以及花雕蒸蝦，熱愛海鮮嘅香港人肯定鍾意！

而且，餐廳嘅「冬日果漾燒烤」肯定滿足到一眾食肉獸，以上等紐西蘭羊扒串、 紐西蘭羊扒串、燒加拿大雪腳蟹、大蝦串、燒秋刀魚、魷魚、燒麵醬茄子及三文魚柳等招呼食客，廚師更特別用鮮果炮製出秘製醬汁，令食材醃製得夠入味，更有效消除肥膩感。再配以薄荷菠蘿乳酪汁、紅桑子蜜糖汁、柚子薑汁、芝麻青檸汁、金不換蕃茄汁、松露黑醋汁、韓式香梨辣汁、果味燒烤汁、燒汁、馬來沙嗲汁、黑椒汁及洋葱汁 12 款自家製創意醬汁，想知邊款食材配邊款 sauce 最夾？咁要靠各位食家試下喇！

其他美食包括：四川麻辣雞煲、雙冬羊腩煲、法式紅酒燴牛尾煲、雪梨或蘋果燉雪耳、洋葱煙肉焗蠔、清蒸原條比目魚、美式燒黑毛豬柳等。

甜品方面，餐廳炮製咗近期超 hit 嘅法國閃電泡芙，有西柚、檸檬、紅桑子玫瑰、紫薯、法國野生藍莓、海鹽朱古力泡芙、香橙君度酒及牛油果青蘋果 8 款口味，必試推介為牛油果青蘋果，牛油果及青蘋果嘅配搭非常特別，層次很平衡！

「海鮮巨塔 x 冬日果漾燒烤自助晚餐」
價錢：
星期一至五 成人 HK$438/位、小童 HK$298/位、長者 HK$358/位
星期六、日、公眾假期及前夕 成人 HK$468/位、小童 HK$318/位、長者 HK$378/位

* 另設加一

儷廊咖啡室
地址：九龍城沙浦道 30-38 號富豪東方酒店地下 1 樓
電話：2132 3502

想睇更多？即上 自助餐 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！