浮誇！名廚視覺系中菜

聽名字，睇背景，它都是一間國內名店。所屬的「唐宮」集團在國內有 10 個不同品牌共 64 間食店，遍布北京天津上海成都蘇州杭州東莞深圳澳門，來頭甚猛。

紅遍國內，我以為餐廳裝修定必浮誇到極。的確，敝大地方，鋪天蓋地都金光閃閃！金色的吊燈、金色鯉魚的牆飾，還有「罩」着大圓桌的金色大鳥籠！幸好，有貴氣卻不刺眼，綴以玉珮打造的吊燈、金魚荷塘白鶴竹葉水墨畫，加添秀氣，少了土味。

菜式亦吸引視綫，特別多視覺系菜式。像鮑魚，除了古法炆扣，這裏做桑拿！大廚席前將鮑魚放在燙石春上，先灒酒放火，再加菊花杞子茶焗，咋！鮑魚冒煙，酒香菊花香齊齊襲來！幼滑如絲的鵝肝，做成圓粒，裹上紅菜頭汁，以為是櫻桃！龍蝦湯泡飯，流行多時，大廚即席加入炸米通，滋滋咋咋看着米粒在跳，食慾大增。

掌廚的不是國寶級廚師，是入行 30 年的港產名廚鍾志強師傅。他曾効力利苑、龍皇、國金軒等多間星級食府，根基紮實之餘，創意更驚人。「要在香港粵菜界突圍，菜式要夠特別。過去打理集團於國內的餐廳，遊走各省份，見識很多，發掘不少好食材；我最鍾意南北材料和烹調玩掉轉！」鍾師傅說。

像江浙涼菜手拍青瓜，他改用南方翠玉瓜做，刨成薄片再砌成花籃般，超級爽口。如果想試下國內珍奇食材，請侍者介紹吧！必試四川藻類植物葛仙米，營養價值媲美燕窩，以椰皇燉，很養顏，香港好少見。

菜式有表現刀功手工，有玩出位配搭，有的從味覺着手，有的富視覺效果，統統都令人留下印象。唯一不誇的，是消費。鮑參翅肚海鮮固然有，數十元的涼菜，不過二百元的小菜選擇更多，豐儉由人，皆大歡喜。

唐宮壹號
地址：灣仔皇后大道東 183 號合和中心 8 樓
電話：2180 6532
營業時間：星期一至五 10:30am-3pm、6pm-11pm，星期六、日及公眾假期 10:30am-4pm、6pm-11pm
收費：現金及信用卡，設加一及茶芥
交通：港鐵灣仔站 B2 出口
泊車：合和中心
平均消費：$600
註：設賀歲年夜飯餐單，包 9 道菜、糕點、甜品和點心，按菜式分為每席 $6,688、$7,988 和 $8,888。提早預訂送紅酒或白酒一枝。

相關報導：
感受真‧過年氣氛

想睇更多？即上 團年飯 / 賀年糕點 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！