倚窗閣即日至 2 月 29 日,推出「味遊班戟世界」下午茶自助餐,一次過試哂各特色班戟,包括黑松露忌廉雞肉煎餅卷 、龍蝦汁焗蟹肉海鮮班戟、貓山王榴槤班戟卷。
法式煙三文魚鵝肝慕絲煎餅卷
甜食以外,法國人仲會將班戟當做鹹點。煎班戟內舖上鹹香嘅煙三文魚薄片,入面捲著甘香嘅鵝肝慕絲作餡料,每一口都雙重滋味。
黑松露忌廉雞肉煎餅卷
雞肉餡料以蒜蓉、洋蔥炒香,再加入白酒同忌廉汁慢煮,最後加入黑松露醬,放進摺成半月形百寶袋嘅班戟中。
龍蝦汁焗蟹肉海鮮班戟
班戟卷內係炒香的蟹肉同海鮮粒,配上甘筍、芹菜粒一齊烹調,香味互相輝映;班戟面層蓋上龍蝦汁再放入焗爐焗至金黃,鬆軟可口,蟹肉鮮味更顯層次!
炸海鮮班戟配芒果醬
同樣是海鮮班戟,廚師一改烹調方法,讓食客感受不一樣的鮮味。包裹海鮮嘅班戟卷先雪藏至定型,再炸至金黃香脆,醮上芒果蛋黃醬,清新果香襯托出鮮味,風味十足。
貓山王榴槤班戟卷
帶有微微榴槤香嘅班戟,包住著新鮮貓山王榴槤肉同軟滑鮮忌廉,果肉豐厚濃郁,定必讓滋味「榴槤」忘返!不愛好榴槤嘅亦可揀返原味班戟,按喜好自行配搭各款配料。
味遊班戟世界下午茶自助餐
供應日期:即日起至 2 月 29 日
供應時間:逢星期六、日及公眾假期 3pm-5pm
倚窗閣
地址:尖沙咀彌敦道 19-21 號九龍酒店 2 樓
電話:2734 3803
網上查詢及訂座:http://fnb.klnh.harbour-plaza.com
歡迎你 like 我哋 U Food Facebook Page / U Food Instagram ,取得我哋更新更快嘅資訊!