連鎖快餐店 Pret A Manger 也跟隨走勢，推出多款 super 美食，可隨時 grab n go。
Superfood 快餐自然係 sell 健康、天然，上月剛推出三文魚營養杯、小龍蝦牛油果營養杯及特製乾果營養燕麥，等大家食得快食得「營」。「營養杯」可揀選小龍蝦或三文魚作主角，杯仔約有 3 吋高，放得滿滿的，內涵豐富。亮點有細細粒秘魯藜麥，高纖低卡，配搭青豆、枝豆、車厘茄、糙米、牛油果及烚蛋等，夠飽肚之餘，店方推介用來補充蛋白質最好。
特製乾果營養燕麥，更是香港店獨有，看似是早餐，其實 anytime 都食得，不含奶類製品，嚴謹素食者（Vegan）也可品嘗。燕麥跟有機豆奶浸一晚，還加入奇異籽，水溶性纖維豐富，有助腸道健康，還增加飽肚感。鋪上色彩繽紛的提子乾、杞子乾、青蘋果粒及杏仁片，軟、脆、煙韌口感兼備，沒額外添加糖份，味道天然。
平日多數用來做沙律的羽衣甘藍，唔止生吃，熱食亦有風味，店子把它跟比利時椰菜花、英國車打芝士、法式白汁等混合炮製 mac n cheese，香噴噴好吸引！
三文魚營養杯 $32/142克
蘇格蘭熱燻三文魚，嫩滑帶煙燻香，可加點檸檬汁調味，另有烚蛋、藜麥、糙米、青豆及車厘茄等，層次豐富。
焗芝士甘藍菜椰菜花通粉 $49/345克
估唔到 Kale 熱食一樣得！鈣質豐富、含大量植物性蛋白質的 Kale ，跟英國車打芝士、黑椒、比利時椰菜花、法式白汁等焗通粉，芝士味香濃不膩。
全綫 Pret a manger
查詢：2520 0445
相關報導：
小食亭驚喜 Slow Cook food
3 個外籍廚 心機日式丼
今期最紅！1 磅重原隻龍蝦包
韓食再演變 自選雙層蓋飯
親民價 鐵板燒便當
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
