南洋家鄉中菜
新加坡樂天餐飲集團旗下「樂天客棧」喺香港嘅首間旗艦店，主打混合新加坡特色的中國家鄉菜。餐廳醬料多由新加坡總店空運到港，如：自家製柱候醬、娘惹咖喱醬、參巴醬、冬蔭功醬等，煮出滋味美食。必試餐牌上的Fusion菜：如「酥炸海鮮油條」、「話梅車厘茄」、「青芥末蝦球」等，款款配搭新鮮，啱晒鍾意驚喜嘅香港人！
必食推介：
咖啡脆雞
先炸至香脆，再加入新加坡直送到港的咖啡漿炒製，確保每件雞件都被咖啡漿包裹，香脆中帶陣陣咖啡甜香。
樂天客棧
地址：奧海城2期 UG09 舖
電話：2177 0760
新派型格泰菜
以泰國菜為主打的Lemongrass，幕後班底請來入行逾20年嘅泰籍大廚坐鎮，少油少辣兼口味輕怡。鎮店招牌菜除咗泰胡椒炒大肉蟹外，仲有超過40厘米高嘅馬來脆雪山，薄餅內有焦糖、椰絲及花生粒，相當有風味；由師傅即場拉嘅馬來特色手拉奶茶亦不容錯過，有表演睇又有香濃奶茶飲，絕對值回票價。
必食推介：
泰胡椒炒大肉蟹
以肉多見稱的肉蟹入饌，用上泰國地道的青胡椒粒及辣椒炒香，鮮甜的蟹肉夾雜胡椒香，啖啖肉令人滿足，非常惹味。
Lemongrass
地址：奧海城2期128B號舖
電話：2387 1777
米芝蓮湖南菜
書湘門第經營正宗湖南菜，總店開業僅一年已榮獲「米芝蓮紅色指南」推介，證明其實力不容置疑！餐廳請來湘菜大師當總廚，仲會親身到當地搜購食材，希望大家能食出地道風味。鍾意食辣嘅人士更加要特別注意啦！餐廳用上10多種辣椒，有唔同程度嘅辣，而且大部分喺香港都買唔到，絕對係辣得過癮！
必食推介：
鴛鴦魚頭王
餐廳的招牌之作，用上紅黃不同的辣椒粒及自家製醬油蒸魚頭，菜式鮮香兼備，辣味中更見層次，愈食愈滋味！
書湘門第
地址：奧海城 1期 UG27 及 UG28 號舖
電話：2706 2978
悠閒日本居酒屋
店家特別訂購溫度可達900度的串燒爐，能快速烤熟食材，可以鎖住肉類或蔬菜的水份，以及海鮮的鮮味，讓味蕾能夠品嘗到食物真味。店內提供各款自家調配以及喺日本購入嘅燒烤鹽，如芥末、櫻花、柚子、喜馬拉雅山和黑炭等，大家可以揀選心水燒烤鹽，提升食物嘅鮮味，滋味level up！
必食推介：
蔥吞拿魚腩薄脆、茶漬飯
前者甘脆香口帶鮮甜的吞拿魚腩，加上明太子醬及蔥花清香，層次豐富；後者用上日本珍珠米、綠茶粉、明太子及自家製漬物製成，味道簡單卻清新。
穴居酒屋
地址：奧海城2期UG50號舖
電話：2351 9878
傳統家庭意菜
主打正宗意大利薄餅及意粉，薄餅餅底全部都是自家搓製，餅底煙韌又脆口，加上即叫即焗，入口香脆又熱辣辣。意粉有傳統蕃茄醬汁及白忌廉汁，不過配搭嘅食材就有好多選擇，為大家帶來多變嘅口味，令人滿足。最後，記得試埋榛子朱古力棒，賣相討好，入口有香濃榛子味，加上幼滑朱古力，甜品迷必食！
必食推介：
巴馬火腿火箭菜薄餅
以意大利12個月風乾火腿及新鮮火箭菜作配料，薄餅入口脆香鬆化，火腿鹹香味清新俱備濃，味道層次相當豐富！
Bene Pizza + Pasta
地址：奧海城2期 106 號舖
電話：2352 4848
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
