依家有咗帝京酒店嘅心情下午茶，男仔唔使估估下都知女友嘅心情啦！由即日起至 6 月 30 日，帝京酒店推出 3 款心情下午茶，包括「哈哈！下午茶」、「憤怒了！下午茶」同「嚇你一跳！下午茶」。
「哈哈！下午茶」有明蝦伴橘子薑味醬、煙三文魚伴香草水牛芝士同藍莓乳酪慕絲。呢個 tea set 用明蝦的「哈」加橘子薑味醬，配清新煙三文魚玫瑰花同藍莓乳酪慕絲，感覺好 fresh。
而「憤怒了！下午茶」就以辛辣、刺激嘅味道為主。首先來個微辣醒胃嘅西班牙凍湯，感受完西班牙嘅味道，就到火箭菜青蘋果沙律。沙律用上火箭菜、美國青蘋果粒同落咗咗欖油製沙律，有濃濃芝麻香同辣味，演繹緊嬲到一肚氣嘅感覺。最後來個火辣、特濃朱古力棒棒，大廚將 100% 法國法芙娜純苦朱古力，煮成特苦軟心朱古力，mix 埋辣椒仔同黑椒碎，化身成火辣辣朱古力棒棒。
最後嘅「嚇你一跳！下午茶」其實係用一啲新嘅食物配搭 surprise 你，首先係苦瓜茸汁，苦瓜汁加蜜糖，苦中帶一點甜。然後係芝士日式咖哩牛肉，美國肉眼同日式咖喱，配搭 2 款芝士做流心餡料。而甜品係檸檬紙杯蛋糕，鋪滿人手捏製的小花，大廚將蛋、油、糖、麵粉同檸檬皮一齊攪拌，啖啖檸檬香。
有咗呢個Tea，你唔好同我講你唔知我心情如何喔親。
供應日期：即日起至 6 月 30 日
供應時間︰3pm-6pm
價錢︰ $238/位 (包 1 杯特飲)；$428/ 2 位 (包 2 杯特飲)
獅子樓
地址：九龍太子道西193號帝京酒店3樓
電話：2622 6167
營業時間：11am-2am
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
