Owl’s 既老闆 Ricky 喺旅行時吸收靈感，就想到用泡芙夾 gelato，作為舖頭主打。
全店只有 5 款 Choux，包括 Popcorn & Rocks、Mango Tango、Red Velvet、Parline Noir 和最新的 S'more，雪糕、Toppings 已配搭好，每款都係 Ricky 同拍檔 Winnie 嘅心血結晶，佢哋覺得現時配搭係最完美。
Winnie 喺法國藍帶學院畢業，做甜品基本功紮實之餘，仲有無限創意同心機。好似泡芙，材料萬變不離其宗，坊間的泡芙大都做得鬆泡泡，佢就用美國雞蛋同 5 種麵粉炮製，泡芙面層仲加咗曲奇皮，入口應聲裂開，內裏鬆軟有彈性，仲食到濃濃蛋香！
Gelato 更吸引，放喺價值 15 萬既型爆意大利雪糕櫃內，每格都有獨立玻璃蓋，唔怕開合時影響溫度，雪糕質感時刻都似啱啱做出嚟。事實上，gelato 係 Winnie 喺工場自製，堅持用真‧材料和澳洲牛奶做，好似 65% 可可濃度朱古力、法國果蓉、無香精糖精味，而且堅拒用雪糕粉和添加劑，名副其實 handcrafted。
每天有 8 款口味，可以單點，用嚟做 choux 嘅雪糕更會在奉客前唧上醬汁、砌上配料，做出層次感。每一款的做法、配搭同口味都似做高級甜品般計算精密，呢件三文治，賣相同味道都屬係非一般。
S’more $58
期間限定出品；朱古力泡芙外脆內軟，每口都充滿可可濃香；夾着半融帶煙韌的棉花糖和朱古力雪糕，吃罷罪惡感爆燈！
Mango Tango $58
橙色泡芙超搶眼！面層脆口，內裏鬆軟；芒果雪葩內有芒果熱情果醬，果味雙重！椰子脆脆以酥餅曲奇加椰絲做，沾雪葩吃好滋味！
Gelato $88 (3 球)、法式小泡芙加 $10
雪糕可單點；血橙雪葩味道很清新，呍呢嗱雪糕香味很突出，吃得出用呍呢嗱籽而非香精製；朱古力雪糕以 65% 濃度法國朱古力製，不太甜；一定要加法式小泡芙，沾上法國珍珠糖，入口咔咔聲，香甜味在口中爆破！
Owl's Choux & Gelato
地址：尖沙咀麼地道 32 號地下
電話：2889 8227
營業時間：12nn-11pm
文：Yoyo、攝影：Jay
相關報導：
手都震埋！嚇破膽層層疊！
23 cm 型爆長 Cone
靚到暈！手工玫瑰花 Gelato！
拎住都飄飄然！
新口味！台飲變雪糕！
我係雪條，又係雪糕！
古老變潮食 雪糕三文治
雪糕 x 冬甩 Munchies
本土新口味抬頭！
Froyo 再彈起！
想睇更多？即上 甜品 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
