來自新加坡嘅Home's Favourite，於 6 月 19 日先正式登陸香港。Home's Favourite 主要賣曲奇為主，有招牌的榴槤、新加坡叻沙等口味外，嚟到香港仲特別設計出陳皮、龍井及桂圓紅棗味曲奇，就連曲奇罐都是重新設計。
除咗香港牌曲奇之外，店內仲有一款香港限定甜品，就是「鍾意就鍾意，唔鍾意就唔鍾意」嘅榴槤雪糕！大堆頭的「榴槤愛人雪糕新地」用咗 D24 榴槤肉加奶及忌廉等製作而成，單睇雪糕的顏色白雪雪，以為無料到啦！點知食落先知個味勁濃，榴槤味一下子湧出，而且雪糕的質地幼滑又唔會融得太快，可以慢慢嗒真榴槤味。
勁香濃嘅榴槤雪糕外，仲夾一層榴槤曲奇碎及新鮮 D24 果蓉，頂層再加榴槤曲奇碎及一大堆鮮 D24 果蓉！強烈建議要一啖過將所有材料食晒，咁先食到軟雪糕的軟滑、曲奇碎的脆口感，最重要是 D24 果蓉可以大大提升整體的榴槤味！小記食完過咗半日，個口腔仍然有陣榴槤味，真係令人「榴槤忘返」！
Home's Favourite
地址：天后電氣道 96 號地下 A 舖
電話：2310 0990
文：Jessie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
