一入內，到處可見大師作品，天花那 220 盞金色招牌吊燈 Melt，延綿整個用餐區，好有氣派！VIP 房及馬蹄座，分別掛上吊燈新作 Curve 及 Fade，所有餐桌椅，桌上的餐巾扣及燭台，都是 Tom Dixon 傑作，還配以 Christofle 銀餐具、Schott Zwiesel 酒杯及 Laguiole 牛扒刀，每樣都精雕細琢。
以扒房作定位，經典菜如煎鵝肝、沙律、牛扒等都不缺，但行政總廚 Michael Boyle 加入新元素，用上亞洲食材、調味，做成非一般西菜。頭盤 Tuna Tartar 混入了椰青肉；煎鵝肝不配多士，跟 waffle 都好夾；沙律別只懂點凱撒，西瓜加 Feta cheese，也能清新味蕾。
主角牛扒可揀選美國 Prime 級、阿根廷草飼的及日本 A5 和牛，用高溫煤氣爐烤，牛扒表面沒一般「格仔」grill mark，反而全塊都焦香，Chef Mike 認為這樣更好吃，每次反轉牛扒時都塗抹紅酒牛油，出來香噴噴。盛載牛扒的，也不用白色餐碟，反而按肉類來配，像肉眼扒味淡，用岩鹽板可增加味道層次﹔肉味濃的，會選木板，單是賣相，已比平日賞心悅目。牛扒蘸醬必試 Chef 的招牌 steak sauce，以鯷魚、丁香、肉桂、蠔油及豉油等調製，鹹中帶甜香，提升肉味，伴碟還是日本的獅子唐辛子（Shishito pepper）。從環境到食物，這店都破格。
USDA Prime American tenderloin $358
8 安士牛柳外層焦香，內裏粉嫩，輕易以靚刀 Laguiole 切開，伴碟的 steak sauce 由大廚調配，鹹鹹甜甜的，跟牛扒幾夾。
Foie gras $178
大廚嫌多士太悶蛋，改以杏仁味窩夫上陣，外脆內煙韌，配鵝肝仲好食。鵝肝一貫的豐腴甘香，伴碟的燒蜜桃可解膩。
Ahi tuna $158
藍鰭吞拿魚兩食，片片烤吞拿魚，食出魚鮮味，而吞拿魚他他軟滑，下層牛油果粒，還有面層的粒粒椰青肉，質感各有不同。
餐巾扣也是 Tom Dixon 作品，名為 Bone。
一入餐廳，抬頭便是 Tom Dixon 招牌燈飾 Melt，多達 220 盞，另一邊掛着吊燈新作 Fade，餐桌椅、餐巾扣及燭台也是他作品，坐到摸到，全方位體驗。
自成一國的貴賓房可坐十多人，面對維港靚景開餐，正！
ALTO
地址：銅鑼灣登龍街 18 號 V Point 31 樓
電話：2603 7181
營業時間：星期一至五 12nn-3pm、6pm-11pm，星期六、日及公眾假期 12nn-3:30pm、6pm-11pm
收費：現金及信用卡，設加一
交通：港鐵銅鑼灣站 A 出口
泊車：時代廣場 $26/hr
平均消費：午巿 $200、晚巿 $500
文：Pam、攝：Ray
想睇更多？即上 新餐廳 特集！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
