餐牌上有小食、小炒、砂煲、湯羹及炒麵飯，但焦點一定是柳州螺螄粉，柳州人將佢當正餐，從早食到晚。螺螄粉做得好，啖湯好緊要。日日買來新鮮石螺，先浸發吐沙，又剪走螺的尾部（方便熬出味），洗得乾乾淨淨才熬湯，水跟螺的比例為 3:1，另加豬骨、雞殼、藥材等吊味，熬足 10 個鐘，飲落好有螺肉鹹鮮味，面層的紅油自家製，辣度勁，可選大中小辣。
柳州米粉專程從家鄉運來，較粗身，純用米漿造，爽滑煙韌，配料亦多，很多也是柳州貨，像炸腐竹、炸花生、木耳、酸筍、菜脯及榨菜等，另加自家醃酸豆角，肉碎則是為香港人而設。如懂得加配鴨腳、鵪鶉蛋、芋頭等，一睇就知是識食的鄉里。
柳州螺螄粉 $45
可自選辣度，紅油是自己做，唔講得笑，配料有酸筍、木耳、花生、油炸腐竹、酸豆角等，先聞到當中的紅油香味，繼而有酸筍香及螺湯的味道，配爽滑煙韌的柳州米粉，是地道滋味。
螺螄鴨腳煲 $68
柳州名菜，將當地人喜愛的螺螄、鴨腳、鵪鶉蛋共冶一爐，還有酸筍及酸子薑，食落酸辣惹味。
招牌烤魚 $338 (優惠價)
大大盤烤魚，沒四川人的麻辣，而是柳州式酸辣，當地人食鯇魚，這店改用嫩滑桂花魚，一條重約斤多，加入自家醃酸泡椒、酸子薑、鹹酸菜，配菜則有花生及芋頭，要幾個人分享。
龍城燒雞 $128
約半隻雞分量，以柳州醬料醃足一晚，風乾後再炸香，撒點柳州孜然粉，好味。
柳州人愛螺螄，可熬湯底、做小炒及煲仔菜。
柳園菜館
地址：尖沙咀金馬倫道 16 號金馬大廈 1 樓全層
電話：2386 3886
營業時間：11am-11:30pm
(原文摘自 U Magazine ISSUE 558)
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
