呢個「歐陸野餐」主題下午茶係由康得思酒店嘅餐廳酒吧 Alibi - Wine Dine Be Social 推出，推出未夠一個月，已有很好的反應，深受女生歡迎。點解？因為配套好完備，好做到 picnic feel！雖然在室內，但枱上卻鋪上草皮，營造戶外感覺，天氣好的時候，陽光從大玻璃窗透進來，真係有真‧野餐氣氛！當然，室內有冷氣，耳畔又傳來輕快音樂，更舒服、輕鬆、寫意，即使炎炎夏日野餐都唔怕熱！
不一會，侍者真係拿着野餐藤籃到來！聽職員講，籐籃唔係平價貨色，要數百元一個，手感果然幼細無刺！一打開，驚喜更大！下午茶鹹點、甜點、冰茶飲品和餐具盡在籃中，自己拿出來自己 serve 自己，野餐真實感更大！
綠悠悠草地，食物點影都好靚！
咁得意嘅概念，係嚟自酒店美食創作總監 Paul McLoughlin，佢話靈感嚟自加拿大蒙特利爾的 Mount Royal 皇家山公園，當地人會於假日準備好野餐籃子，相約朋友到公園野餐，享受日光、森林綠色景致與休閒時光；加上他兒時與家人一起野餐的回憶，構思出這個主題下午茶。兒時媽媽會手製很多食物去野餐，好似 apple pie，又會帶備 cold cuts、咖啡和茶等，簡單美味。當然，如今在酒店「野餐」，食物選材、烹調以至賣相就精細得多。
藤籃內有一張小餐單，列出下午茶美點。
食物種類不遜於平日的 afternoon tea，鹹點有手撕豬肉香腸卷、迷你蟹肉漢堡、鵝肝醬波本威士忌煙肉醬伴迷你法式麵包，仲有魚子醬伴煙三文魚軟包；甜點則有北海道牛奶布甸配芒果、草莓玫瑰果果凍、迷你吉士撻，當然不少得下午茶必備的焗英式鬆餅、Macarons 和朱古力；每款都做得精巧細緻，大廚謂全都是為這下午茶特別製作，在酒店其他餐廳都嚐不到。我最喜歡手撕豬肉香腸卷，酥皮卷內的手撕豬肉煮製兩次共 12 小時而成，盡吸醬汁精華，有肉香又有肉汁；自家製肝醬更精采，質感幼滑如絲，塗在 mini 法包上，吃不停口！
部分鹹甜點會放在小木盒內，包括手撕豬肉香腸卷、迷你蟹肉漢堡、魚子醬伴煙三文魚軟包、迷你吉士撻等。
迷你蟹肉漢堡內的小蟹餅，吃到絲絲蟹肉，超足料！
自家製的鵝肝醬和波本威士忌煙肉醬，用來配迷你法式麵包一流。
以玻璃樽盛載的北海道牛奶布甸配芒果及草莓玫瑰果果凍，前者 creamy 富奶香，後者清新帶花香，好 girlish！
鮮焗英式鬆餅，鬆軟富麵粉香，配英國名牌 clotted cream 和自製果醬，令人吃不停口！
下午茶的飲品是 Legendary iced tea，由調酒師特別設計調配，以普洱茶為基調，加入檸檬汁、薰衣草和玫瑰花瓣調成，富花果香，既特別又啱夏天飲。下午茶每天都有供應，大廚謂因為製作花心機時間，而且名貴，每天限 10 份，要「野餐」最好早早計劃喇！
Legendary iced tea 有薰衣草香和玫瑰花香，又啖到香草味，清新的花果氣息，女生一定喜歡。
「歐陸野餐」下午茶
供應時間：3pm-5:30pm
收費：$428/2 位（加 $388 即可享用 Perrier-Jouet 香檳一枝），設加一
註：每天供應 10 份（每份供二人享用）
Alibi- Wine Dine Be Social
地址：旺角上海街 555 號香港康得思酒店 5 樓
電話：3552 3028
營業時間：星期日至四 10am-1am，星期五、六及公眾假期前夕 10am-2am
文、攝：yo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
