嘩！由3.6牛乳雪糕，一跳就去到濃一倍有多嘅8.0牛乳雪糕，真巴閉！其實喺太古一間大型日式超級市場都有 8.0 牛乳雪糕，不過每杯索價近$40，雪糕融在口中嘅同時，銀包都在出血。最近喺深水埗西九龍中心，亦搵到8.0 牛乳雪糕，有大、細杯裝，分別賣 $24 及 $22，價錢平一半，好抵食，唔怕嚇走街坊。
舖頭叫「華」Hana，於日文是花嘅意思，老闆 Timothy 原本想做花味雪糕，但製作太繁複，機緣巧合下試到日本廠方製作的 8.0 牛乳雪糕，於是轉型以牛乳雪糕做主打。
8.0 牛乳雪糕 $22（細）、$24（大）
呢款 8.0 牛乳雪糕於今年 7 月首次引入香港，小店透過香港代理商，從日本購入已經 mix 好牛奶、忌廉等材料嘅雪糕漿，當中係用北海道 8.0 牛乳製作。小店取貨後將雪糕漿倒入雪糕機內冷卻及攪拌，做出 8.0 牛乳軟雪糕。
雪糕奶味果然好濃，味道有啲似煉奶，而且帶少許奶羶味，鍾意飲濃味牛奶嘅朋友一定喜歡！雪糕質地幼滑，但仍然有少許冰感。Timothy 解釋，一杯牛乳濃度咁高嘅雪糕，如果再做得 creamy 啲，食完可能會太過飽滯，所以刻意保留少許冰感，食落感覺會 light 啲！
特盛紅豆蕨餅杯 $28
小店仲有特盛紅豆蕨餅杯，招牌 8.0 牛乳雪糕外，仲有北海十勝紅豆蓉及黃豆蕨餅。
紅豆蓉加牛乳雪糕一向好夾！不過來貨嘅蕨餅味道就差少少，質地唔煙軔，黃豆粉味道唔明顯！Timothy 話遲啲會轉用自家製作嘅蕨餅，希望質素會有改善！
抹茶雪糕 $22（細）、$24（大）
小店每逢周未都有抹茶雪糕供選擇，抹茶雪糕則用咗北海道 3.5 牛乳雪糕漿，加宇治小山園抹茶粉製作，用料好揼本。每公升加咗 30 克抹茶粉，抹茶味清香帶回甘。Timothy 計劃遲啲推出栗子、番薯等冬天期間限定口味！
新店開張，Follow 小店 Instagram 後雪糕減 $2、上載雪糕相片至Instagram，再 tag 雪糕店，第二件產品可有半價優惠券！
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【請您試食】一粥麵「麻椒醬油雞」及「去骨海南雞」套餐！↓
↓香濃嫩滑︱辣中帶麻︱立即免費換領↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
