雞，全部都係雞……去肯德雞當然係食雞啦！雞扒漢堡唔係新鮮事，但將炸雞扒當麵包，會唔會太誇張呀？見到呢個「雙層雞扒軍艦」嘅真身，罪惡感爆燈！上下層都係大大塊炸雞扒，size 有手掌咁大，宣傳圖片同真身好相符，用嚟自拍深宵放毒一流。標榜係「田園版」，所以餡料唔係肉，有番茄生菜配上千島醬汁。
一啖咬落去，「咔嚓」一聲，雞扒外層應聲裂開；我咁啱預到新鮮出爐，雞扒暖呼呼，嫩滑有肉汁，酸咪咪番茄、爽口生菜加上酸甜醬汁，中和咗炸雞的油膩感，味道幾夾之餘，唔係想像中咁肥咁膩；對於戒澱粉減肥的你，是個不錯選擇。至於罪惡感，係點都抹不掉的！
一打開包裝紙，麵包換上兩塊大炸雞扒，視覺好震撼㗎！
雙層雞扒軍艦套餐 $37.9
套餐配薯蓉及中汽水，夠晒飽！
雙層雞扒軍艦 size 有手掌咁大，分量無欺場。
餡料雖然只有番茄生菜，但蔬菜的清甜加上酸甜的千島醬，中和炸雞的油膩感。
KFC 肯德基
電話：2745 2903
註：
(1) 任何套餐加 $3，汽水可升級至檸檬百事可樂。
(2) 11am後供應，沙田中心、香港大球場、馬場、亞洲國際博覽館分店除外。
文：Theo、攝：Froggie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
