我講緊嘅係金裝燉奶佬。每日晚上 9 點後，就可以 $8 食糖水，比正價 $18 平足 $10！款式好多，可以喺圖中 7 款滋潤甜品系列中任揀一款，有凍有熱，選擇好多，包括夏威夷雜果涼粉西米露、椰汁綠豆西米露、椰汁黑糯米、銀耳木瓜、腐竹鮮百合農家蛋、海帶綠豆沙、椰汁涼粉等，都是傳統糖水佔 多數。
今次就點咗夏威夷雜果涼粉西米露（左）及銀耳木瓜（右），前者與宣傳照片略有分別，上枱後只見椰汁西米露和少量配料，色彩唔及參考圖片咁繽紛；銀耳木瓜的還原度就有 98%。
夏威夷雜果涼粉西米露
雖然只係賣 $8 ，幸好無偷工減料。用匙羹舀一舀，西米露有雜果與涼粉，而且分量亦算多；椰汁味濃。
銀耳木瓜
至於銀耳木瓜亦足料，唔係碎濕濕或煲融晒；木瓜軟硬度適中、雪耳爽口，甜度啱啱好，夠晒滋潤。呢個價錢，性價比都幾高。
最讚係無論你有無 order 其他食物，9pm 後都可以用宵夜價點糖水，每人每次只可以 食一碗，咁抵又咁足料，一碗都滿足晒。
金裝燉奶佬
電話：2404 6997
網址：www.chef.com.hk
註：甜品優惠每人限點一次，不能與其他優惠同時使用，只限堂食。
文、攝：Froggie
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
