維他奶與紅豆冰已經唔係第一次玩 crossover，早前華星冰室亦試過，以紅豆冰加維他奶，代替花奶，係另一番味道。「美心香港地」玩得更盡，最近去幫襯，就發現呢款「高難度動作」紅豆冰！將原枝維他奶倒轉插進紅豆冰內，似足早前大熱、將啤酒倒插入伏特加沙冰的 cocktail 一樣，出位嘅賣相，一定係相機飲先啦！放心，玻璃樽有個小座固定，唔會跌爛倒瀉。
飲品名為「粒粒紅豆冰配支裝維他奶」，但沒有粒粒紅豆，只有紅豆蓉幼沙冰；無加花奶，以維他奶代替，甜度減咗啲，卻多了點點豆奶香，配搭不錯。除咗維他奶配紅豆冰，原來餐廳仲有 4 款樽裝飲品都玩倒插，貪得意試下啦！
粒粒紅豆冰配支裝維他奶 $34
雖然紅豆冰沒有粒粒紅豆，但飲落很順喉，不失紅豆味，加上維他奶的豆香，不錯。
除了粒粒紅豆冰配支裝維他奶，仲有 4 款大家由細飲到大的汽水玩倒插，過癮！
試咗草莓檸檬沙冰配支裝雪碧，味道甚似 Skittles 彩虹糖，又有檸檬清新酸味，好解渴。
美心香港地
地址：大角咀海泓道１號奧海城三期地下高層 65 號
電話：2758 5228
營業時間：7am-10pm
註：查詢熱綫 2101 1333
文、攝：Theo
歡迎你 like 我哋 U Food Facebook Page / U Food Instagram ，取得我哋更新更快嘅資訊！
