即叫即烤！池邊超靚 juicy 肉眼扒
新界朋友揮手區！要數池畔 BBQ，第一時間想起沙田凱悅酒店。酒店之前推出過燒烤晚餐，反應非常熱烈！最近燒烤 buffet 回歸，亮點係大塊嘅肉眼扒，即烤即食，外面很香，內裏很多汁。不嗜牛也有好選擇，好似迷迭香焗豬腩肉，聽落好邪惡，食落卻爽口不滲油，香草幽香從肉香脂香中透出，好吸引。
嗜海鮮嗎？自助餐仲有烤大虎蝦、香煎三文魚扒、燒春雞、鱸魚柳及帶子等，都係大熱 items；想解一解膩又有香炒意式青瓜及甜椒、百里香炒鮮菇、香烤薯角等。每次來，先上桌嘅冰鎮海鮮拼盤已令人心動，蝦、蟹腳、蜆統統新鮮。
無論食到幾飽都好，都要留肚食甜品！壓陣的甜品拼盤大堆頭，特別是倒轉擺放的雪糕筒，係影相位；雖然話食物可以無限 encore，但每樣吃點點，已經捧腹而回。
池畔酒吧
地址：沙田澤祥街 18 號香港沙田凱悅酒店大堂層
電話： 3723 1234
供應日期：即日起至 11 月 27 日
供應時間：6pm-10pm
價錢：成人 $518/ 位、小童 $259/ 位，設加一
任燒海鮮 + 喪食 Movenpick
追求燒烤花款，可考慮逸東酒店的自助餐。餐廳 Metro Buffet & Grill 最近玩 BBQ 主題，扒類、海鮮、蔬菜，選擇多元化，好似羊架、牛肩扒、雞翼、扇貝、青口、魷魚筒、串燒、烤香腸、鮮冬菇、蒜味牛油雞腿菇、粟米、茄子、菠蘿等，選擇比較貼地，口味也啱香港人。
小編係海鮮迷，真心推介蠔，吃海水味必試新西蘭生蠔，同時又有白汁芝士焗蠔、煙肉洋葱焗蠔、蒜蓉焗蠔等，超級惹味。回本之選還有加拿大青口、翡翠螺、瀨尿蝦、小龍蝦、大海蝦、避風塘麵包蟹、蒜蓉蒸蝦、海蝦芝士炆伊麵、辣酒煮花螺、椒鹽蝦、蟶子等。甜品控都唔使咁擔心，除咗大路甜品如白朱古力慕絲杯、香芒法式燉蛋、朱古力噴泉、自製窩夫等外，仲有裝住十幾款口味嘅 Mövenpick 雪糕車，諗起可以喪食已經開心死！
Metro Buffet & Grill
地址：九龍彌敦道 380 號香港逸東酒店大堂樓層
電話：2710 1901
供應日期及時間：即日起 6pm-9:30pm
價錢：星期一至四 成人 $448/ 位、小童 $348/ 位，星期五至日、公眾假期及其前夕 成人 $488/ 位、小童 $388/ 位，設加一
池邊靚景配名貴香檳
如果你係燒烤 Buffet 精，一定識得灣仔香港君悅酒店的燒烤自助餐，自助餐已推出多年，一様咁受歡迎。餐廳 The Grill 位於酒店池畔，露天座位旁又有不少綠色植物點綴，感覺很舒爽。自助餐咁受歡迎，除咗因為環境好，還因為食物夠多選擇。燒烤前既有沙律、龍蝦、蜜瓜、西班牙冷湯等開開胃，BBQ 食物更花碌碌，而且大廚專挑選同類中最精皂的，豬肋排、海鮮、香腸，即點即烤，炭香滿滿。提供 Veuve Clicquot RICH 香檳配搭，呷一口香檳，吹一陣秋風，爽！
The Grill
地址：灣仔港灣道 1 號香港君悅酒店 11 樓
電話：2584 7722
供應日期：即日起至 10 月 31 日
供應時間：6:30pm-10pm
價錢：成人 $480/ 位、小童 $240/ 位，設加一
註：
(1) 加 $110 即享 1 杯 Veuve Clicquot RICH 香檳及自選配料。
(2) 4 位更可升級享用一瓶 Veuve Clicquot RICH 香檳。
文：Joyce
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
