如果你喜歡呢類「估佢唔到」嘅蛋糕，你一定會留意帝京餅店嘅出品。餅店每隔一定時間就會推出搞鬼蛋糕，以前就試過做窩蛋牛肉煲仔飯蛋糕，好搞笑！酒店 buffet 的海南雞飯係必食，餅房就構思出呢個「鬼馬海南雞飯蛋糕」。
賣相盞鬼傳神，驟眼望真係似真‧海南雞飯。
比較吓像真程度！鬼馬海南雞飯蛋糕（左）、真‧海南雞飯（右）
現場見到真身，真係堅似海南雞飯！隻「海南雞」雞皮表面上仲有「毛孔眼」顯現出嚟，雞肉睇落幾軟滑，除咗啲飯粒比較大粒粗糙，其他 detail 都做好像真傳神。最花心機係「雞皮」，以特製有紋的模子製作，倒出來的啫喱呈現雞皮上毛孔效果，加上用木瓜絲、蜜瓜絲及奇異果等作為配菜，做戲做足全套，像真得嚟鬼馬。
鬼馬海南雞飯蛋糕（1 磅裝） 原價 $420，10 月份推廣優惠價 $330。
餅廚話，「海南雞」的雞皮是用鮮菠蘿果蓉啫喱製成，而雞肉則是加入芒果汁的椰子慕絲，菠蘿、芒果、椰子，配搭很 match，不會古靈精怪和不淪不類；蛋糕底則是呍呢嗱味海綿蛋糕，混合鮮菠蘿果蓉啫喱、椰子慕絲及金不換吉士慕絲，成個蛋糕都充滿熱帶果香味道，慕絲口感好 creamy，唔過甜。
「海南雞」係菠蘿果蓉啫喱 + 椰子慕絲，「飯底」則係呍呢嗱味海綿蛋糕，配上鮮菠蘿果蓉啫喱、椰子慕絲及金不換吉士慕絲，飯粒則是卜卜米。
帝京餅店
地點：九龍太子道西 193 號帝京酒店 1 樓
電話：2622 6256
營業時間：10am-10pm
註：鬼馬海南雞飯蛋糕供應日期：10 月 1 日至 10 月 31 日，需提前 3 天預訂
文：Celia、攝：Brian
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【必收藏】最新深圳食買玩攻略！↓
↓ 大灣區一小時生活圈！最新打卡熱點／熱門美食等！↓
