開講有話食慾之秋，秋天當造美食特別多，菇菌係其一。Café&Meal MUJI 今季除咗推出多款日系 x 法式抹茶甜點外，鹹食亦花咗心機，用咗唔同菌類炮製，貫徹時令性。
【相關連結】
點解要追求不時不食？當造嘅季節食材，係因應季節氣候生長，唔需要用化學方法幫助，味道都可以又香又甜。呢個正係 Café&Meal MUJI「素の食」嘅飲食原則。今個秋天，大廚就選用了爽脆嘅雞髀菇、菌味香嘅日本本菇、蘑菇、冬菇及燒烤菇炮製新菜。
烤雜菌配半風乾番茄
集齊雞髀菇、日本本菇、蘑菇及燒烤菇，以烤焗方式炮製，避免菇菌出水流失菇香。伴以酸甜黑醋提味，酸咪咪中滲出濃郁菌香，好開胃。
明太子醬汁雜菌厚燒玉子
大廚首次使用微辣嘅明太子醬汁入饌，厚燒玉子混入冬菇製成，蛋香伴菌香，滿是秋日滋味，也是頗嶄新的燒玉子口味。
【本周精選】
香草牛油烤蔬菜
雞髀菇及大啡菇簡單抹上香草牛油後烤焗，中間嘅澳洲茄子盡吸菌香，是精華所在。
香煎腐皮配雜菌肉醬
選用豆香濃郁嘅本地腐皮， 以本菇、冬菇及肉碎煮成醬汁，是惹味嘅送飯菜式。
三品料理套餐（2 款冷盤及 1 款熱盤） $95
四品料理套餐（2 款冷盤及 2 款熱盤） $108
五品料理套餐（3 款冷盤及 2 款熱盤） $118
料理套餐有 3、4、5 品選擇，除了以菇菌為主題嘅冷熱盤外，仲有雞肉蔬菜蒟蒻沙律、味噌烤比目魚柳及有機藜蜜芝麻烤雞等選擇。每個料理套餐都包還湯及餐包/白米/十穀米。
【懶人速食】
同場加映 Chef Choice
烤春雞配牛肝菌忌廉汁 $138
今季另有兩款全新廚師精選主菜；法國春雞預先去骨，食時好方便！春雞肉質嫩滑，配以牛肝菌忌廉汁，菌香四溢。
香煎比目魚柳配柚子忌廉醬汁 $138
比目魚煎香後，淋上柚子忌廉汁；醬汁帶柚子的酸味，旁邊嘅紫薯蓉甜度十足。
（左起）北川村柚子生薑熱飲、蘋果洛神花熱飲、蜜柑香橙熱飲 各 $42
有嘢食又點少得飲品？MUJI Café 嘅秋冬季節飲品，以滋潤為主。推介北川村柚子生薑熱飲，清香柚子加薑味辛辣嘅高知縣黃金薑，飲完成個身暖晒！
Café&Meal MUJI
地址：西九龍奧海城 2 期地下 K01-10 舖
電話：3971 3240
營業時間：$星期一至五 11am-10pm，星期六、日及公眾假期 10am-10pm
備註：菜式全綫 Café&Meal MUJI 供應
文：Jessie 攝：Brian
【本周 Hot talk】
終於嚟喇！辻利茶舖 ifc 插旗
【
和味放送
】
全部都係膽！海膽外賣丼屋
歡迎你 like 我哋 U Food Facebook Page / U Food Instagram ，取得我哋更新更快嘅資訊！
