芋泥甜品，通常都要喺飯店食，平時好少機會遇到。今日去三姐松記食糖水，就發現呢碗「芋圓丸」。咩係芋圓丸？就係有齊芋圓同芋泥，一次過滿足晒愛芋之一願望。
【芋圓狂熱】
堅無敵組合？紫薯芋圓西米露
芋圓丸 $38
老闆 Anthony 嘅太太鍾意食芋頭，於是佢開始研究以芋頭做甜品；芋圓丸用芋泥做 base，再配埋芋圓、地瓜丸、紫薯丸、芝麻湯丸、明珠同薏米，嘩！好豐富！推出 3 個月即成為店內其中一款 hot item。
芋泥底每日喺店內新鮮製作，以為會係好濃好稠， 師傅反而將佢調稀咗，入口更滑溜，仲無咁易滯。芋泥微甜帶淡淡嘅芋頭味，連埋明珠、薏米食，有咬口。碗內嘅芋圓 、地瓜丸、紫薯丸全是自家出品，大大粒又煙韌，丸內仲包咗芋頭餡、地瓜餡，心機十足喎！
紫薯丸係限定出品，紫薯喺果欄攞貨，一過咗當造嘅季節，芋圓丸就無紫薯丸㗎嘞。
【紫薯大熱】
親試！聖安娜好賣紫薯撻
芋圓丸仲有 2 粒芝麻湯丸，特別在湯丸係凍食的，配合番個凍芋圓丸糖水！老闆建議先食芝麻湯圓，再食其他丸子。
除咗芋圓丸，三姐松記仲有啲配豆花、仙草嘅「芋」字頭甜品，芋圓控啱食嗎？
地址︰深水埗元州街 151 號地下
電話︰2386 5835
營業時間︰2:30pm-1:30am
文、攝︰Louise
【本周必食】
期間限定！7 仔宇治抹茶軟雪糕
【得意小食】
真‧菠蘿 + 8.0 牛乳雪糕 邪惡菠蘿包三文治
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
