雪糕蜜瓜包喺日本好人氣！呢個咁好食嘅
雪糕蜜瓜包，源自金澤市，於日本各地擁有 50 多間分店，早前於台灣開海外分店，第一日開張已經排晒長龍，有粉絲表示等咗兩個鐘先有得食！唔知香港店開幕當日，會唔會打破台灣紀錄呢？社長話開店頭 3 日（12 月 3 至 5 日），首 50 位客人會有半價優惠！
香港嘅粉絲隔岸睇住台灣朋友歎雪糕蜜瓜包，心癢癢又好葡萄！好在，大家終於等到雪糕蜜瓜包登陸喇！呢間人氣店將於香港開店，落戶銅鑼灣景隆街地舖。香港店社長表示，為咗保證食到日本嘅味道，他已經到日本受訓一個月，學習製作雪糕蜜瓜麵包嘅流程。
香港店會從日本取得麵團，於店內以攝氏 30 度發酵 1.5 小時後再焗。每次只會少量製作，keep 住不停有包出爐，希望菠蘿包必定熱辣辣、外皮脆卜卜。開業初期，會有抹茶、呍呢嗱及朱古力味，雪糕都會選用日本貨。
抹茶味雪糕蜜瓜包 $38
新鮮出爐嘅蜜瓜包仲係好熱辣辣，脆卜卜嘅外皮好似曲奇咁食落好酥脆，麵包入面質感鬆軟。中間夾住兩大片抹茶雪糕，遇熱融融哋，與鬆軟嘅麵包口感好 match！
【飲食激鬥】
4 大名店抹茶雪糕 邊間最正？
抹茶味雪糕
附有飲管畀你「撩」雪糕食，抹茶味雪糕帶茶味甘香，配牛油味香濃嘅蜜瓜包，增添清新感覺！
呍呢嗱味雪糕蜜瓜包 $38
呍呢嗱味奶味比較突出，唔怕畀蜜瓜包嘅牛油酥香蓋過雪糕味。
朱古力味雪糕蜜瓜包 $38
朱古力味好濃郁，配蜜瓜包脆脆嘅曲奇口感，食完好有滿足感。
日本店不時會有新口味推出，香港店社長透露，遲啲（最快下個月）就會有芝士火腿沙律及港式火腿炒蛋。社長仲計劃新年前於旺角再開店。嘩！好期待呀！
世界第 2 好味雪糕蜜瓜麵包香港店
地址：銅鑼灣景隆街 15-27 號地下 1A 舖
電話：從缺
營業時間：11am-10pm
文：jessie 攝：ray
【零食放送】
麥維他壓扁咗！變身榛子 / 焦糖棒棒
【聖誕去邊】
北海道「白い恋人公園」搬咗嚟香港？！
【環保熱潮】
撑環保！有 Jetso！全港「走杯」地圖
歡迎你 like 我哋 U Food Facebook Page / U Food Instagram ，取得我哋更新更快嘅資訊！
↓【限時搶⚡】Kilo Calo慢煮即食雞胸套裝！↓
↓ 雞胸經低溫慢煮烹調！/ 提供研製多時的獨特口味！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
