星級食家：唔食唔肥
食家簡介：乜都放入口，想減又減唔到，食左先算！
自從大班樓進駐九如坊後，誠意及水準大家有目共睹，務實的態度，不取巧，不落味精，用料足，難怪日日滿座。
幾個月前南瓜兄曾攪過一局，結果是主人家放飛機，多月來斷斷續續有食評出現，偶爾有菜式從未見過，已打算翻焯一次，見近日飯局不多，總不成一個月一次的深圳團就足夠，膽粗粗打電話跟主理人 danny 探探口風，先知快有新菜出現，即時訂位，但基於一個大前提~~~試新菜。
經幾次改動後，連前菜甜品共十四款。
酥炸金菇：店方收取開瓶費之後，為表心意，特意送上的餐前小吃，實在沒話說，金菇炸得酥化，入口又不覺油膩，明顯是掌火人對油溫的認知及處理有一手。
陳醋九節蝦伴青邊鮑魚凍：九節蝦偏細但肉質香甜蝦味濃，今次用少許陳醋醃過，放在鮑魚凍之上，一人一匙，賣相有點粗疏，店方不求花巧，只求食物本質的手法，個人十分認同。
蒜香酒醋滷牛舌：牛舌本身已是牛味最濃的部位之一，薄切的牛舌配以蒜粒，蔥花，紅椒碎及香茜粒，幾種味道強烈的蔬菜漬浸還不夠，再加上陳醋，味道既香又嗆，真的不錯。
荔甫馬蹄煙鴨盒：店方對炸物真有一手，碟底絲毫不見油漬，炸得酥軟可口，加上少許桂花糖醬，多了一朕清香的氣味，食落不見油膩之餘，竟然隱約有絲絲煙薰香味。
馬友咸魚煎肉餅：原先是子薑皮蛋的一味，只是不想重覆，便改為一道家常小菜，肉餅在刴粒期間，已經混入咸魚茸，再弄成肉餅去煎，但肉質絲毫不覺死實，簡簡單單的一道菜已見功夫，而意大利醋一向在西餐中用作蘸點麵包用，而今次店方竟然用來配肉餅，不由得不佩服廚師的識見。
老火靚湯：是夜用上西洋菜煲玉竹魚湯，由於是老火湯而不是燉湯，所以色澤偏深沉，是長時間熬煮的效果，就算西洋菜亦已經變得糜爛，呷一口香醇滋潤。
雞油花雕蒸大花蟹：店內名菜之一，雖然之前已經試過，而今次依然放在菜單中，花蟹來貨是越來越貴，個子是越來越細，非戰之罪。花蟹用上雞油，花雕一齊蒸，兩者香味滲入蟹肉之內，令蟹肉變得更芳香嫩滑，加上蟹汁混在雞油花雕汁，配上陳村粉，將三者味道都吸收了，陳村粉本身已經夠滑，結果令口感更變化多端。
粗海鹽荷葉蒸雞：起初提議的十八味雞，在之前的飯局已經試過，反正想試新菜，就算主理人danny 說雞肉會有點「生」及骨頭帶血，亦不以為然，一於改得就改，雞是新鮮貨，入口雞味香濃，與坊間所謂名店，說是新鮮雞，水準卻是冰鮮貨一樣，是兩碼子的事。用粗海鹽醃過的雞，肉質給咸香滲入，而依然嫩滑，薑茸已變成可有可無，出奇地荷葉味又太輕，可能雞隻只是放在荷葉上面，而不是給包裹著有關吧!
蝦子大蝦球：蝦仁只簡單的泡油，已肉質爽脆，又何須左醃右醃，再灑上一層蝦籽，令蝦味更濃郁及帶上咸香，蝦頭上粉後油泡，將蝦膏包裹住，甘香肥美。蜜糖豆又鮮甜，不知不覺下食了不少。
話梅肉桂糖醋排骨：坊間的糖醋排骨，醋味霸味，甜味過份，今次用上腩排，但入口毫不覺韌，甜酸味道的調教洽到好處，純天然的味道，與用白糖之類醃肉是截然兩種程度的比較，相信是師傅反覆試味下，才能拿捏得準。
梅菜蒸芥蘭：時令菜用上梅菜蒸，單是梅菜已經可以用來送白飯，芥蘭條條嫩綠清甜，又吸收了梅菜的味道，就算不用蘸點豉油都好正。
糯米八寶鴨：新菜之一，手法有點近似蘇杭菜，蒸熟的鴨起肉，釀上糯米飯再炸，雖是炸物，但外層鬆化糯米不覺油膩，鴨肉夠淋，而且又不用吐骨，既方便又惹味。
三蝦炒飯：所謂三蝦，是指蝦仁，蝦乾及蝦醬炒飯，一碟炒飯的好壞，個人標準是乾身，油份不能太多，又要有鑊氣，今次可說是一個最好示範，既香口又有少許蝦醬味，既乾身又粒粿分明。
生磨杏仁茶：雖然是一小杯，只是未上檯，一朕香味早已傳開，濃烈的杏仁味芳香馥郁，入口醇厚。
杞子雪糕：其實另有子薑雪糕，不過上次已經品嚐過，杞子粒一早已煮好及打成細粒，入口清甜滑溜，有時真的不由得不配服店方，就連少少飯後甜品仍一絲不苟，全部都是自家製。
這兒每道菜，不會有華麗的伴碟，或是精巧的刀工，而是師傅用天然的材料，帶出食物的真味，誠意及味道好得沒話說。只是有部份侍應不停問可否上菜，但明顯地仲有人未到呀!服務一欄要扣分。
ps：有時會覺得奇怪，食日本菜或是西餐，一千幾百落樓，肚子依然空空如也，但好多人都會話抵食，反而食中菜，三四百已經有人話 ~~~~乜咁貴呀？
推介菜式：是日全部菜式
用餐日期：2010年10月21日
是次消費：HKD$500
食家評分：
味道*****
服務****
環境*****
價錢*****
大班樓
地址：中環九如坊 18號地下
電話：2555 2202
