眾裏尋他，Michael 率領我們來到以食鮑參翅肚出名，兼剛得到米芝蓮三星的新同樂，並非「行」到介紹我們食翅，而是估佢唔到的羊腩煲，有幾好食？跟 Michael 和高 Ling 一齊來揭秘。
冬天凍冰冰，一窩熱騰騰羊腩煲自然最暖身，少年食神 Michael 也對羊腩煲情有獨鍾，自言不論冷暖都念念不忘這煲新同樂出品的羊腩煲。「我小學二年班果時同屋企人嚟新同樂，我第一次食羊腩煲，好食到震，從此愛上。」Michael 自小和家人「甫」新同樂，食親都係鮑參翅肚，估唔到在此僅售三百多元的羊腩煲竟可俘虜他。
雙冬高原鮮羊腩煲
用上黑草羊腩，每副約八斤，成舊羊腩用檸檬葉、腐乳、南乳、柱侯醬等加入二湯炆一個鐘，再焗兩個鐘再煲，至筷子插入肉唔跌就合格，要炆到皮要彈牙、肉身鬆化，陳師傅話炆煮就好似看仔咁，好花心神。
中山焗魚嘴煲
最緊要魚頭新鮮，再以薑、葱、蒜和最少十年靚陳皮落煲爆香，並加入撈好味魚頭，當中唔會加水，只靠葱蒜的水份用熱力逼熟，最少得花15 至於 20 分鐘才完成。
臘味煲仔飯
選用泰國香米，滾水落米煮至收水便放入臘味，如臘肉、臘腸和膶腸，油香滲滿飯粒，淋上自家調配豉油來吃，夠好味啦！
新同樂魚翅酒家
地址：尖沙咀美麗華商場 4 樓 D 舖
電話：2152 1417
(原文摘自《U Magazine》文：飛、stephanie、圖：程佩媚、林霖、邱鴻基、鄭舟、sky、 宇、joey)
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
