這店跟番台灣的形式，在小店背後發功的是歌手傅佩嘉及其台籍丈夫 Steven，之前開台式牛肉麵店掂咗，於是再下一城，2 個多月前開了這店。小店以時下流行的自助火鍋形式經營，選好肉類揀好湯底，自取火鍋料及飲品就可以打邊爐。
做台式火鍋，又點少得麻辣火鍋，Steven 正是大廚，台灣人做台式湯底自然執着，牛骨湯底，再加入十多種辣椒、八角、丁香及多種藥熬，香、辣、牛味、蘿蔔甜香層次分明；仲抵死地分為「BB 辣」、「醫院辣」和「棺材辣」，棺材級辣到你嘴部僵硬，唔怕食完瞓棺材要挑戰吓。麻辣湯底外，還有用北海道 3.6 奶加杞子紅棗的牛奶湯底、以牛茄熬的番茄湯底、仲有自己炒咖喱膽的咖喱湯底及日式壽喜燒鍋揀。
肉類的選擇頗多，由美國雪花肥牛、牛肩胛肉、去骨牛小排、頂級肉眼同澳洲和牛肉眼，美國牛除了肥牛外，都屬安格斯級；另有培根豬、日本松阪豬肉、日本鹿兒島黑豚腩肉、新西蘭小羊排及美國無骨雞肉片揀，晚市最平 $180/200g、最貴 $450。連自取的火鍋料都唔差，有 50 多款丸類，當中流心南瓜丸、花枝貝、蟹粉蟹子包、貢丸、沙茶包及麻辣包都係台灣貨，另有小量海鮮單點，記住試埋台灣冬瓜茶及台啤，咁先似喺寶島烚一烚㗎嘛！
一鍋 台日式精緻小火鍋專門店
地址 : 天后琉璃街 11 號
電話 : 2111 1241
(原文摘自《U Magazine》文：sieg、圖：Ken、May、Sky)
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
