平時除左係旺角附近打等之外，長沙灣都係我成日出沒的地方，但成日都食茶餐廳，真係幾好味都會覺得悶！呢排比我發現左有間新開的米線，一定要試下先！
店舖裝修非常懷舊，門口仲有即整煲仔飯！
食店唔大，門口好細，真係肥多少少都好難入！全店都係用70-80年代裝修，最鍾意佢個冷氣開放的燈牌！
懷舊當中的裝飾物都帶有小小雲南味道！
我叫左牛柏葉、豬耳同埋十三香雞肉配秘製醬汁撈米線。個碗真係好靚而且好大碗！
自家製的秘製醬汁撈米線的確唔錯，食到有小小茴香的味道，亦好重香料味，但我只係叫左小小辣都辣我si si聲，唔食得辣的朋友真係要揀唔辣！
老公叫左豬骨濃湯米線，因為佢話呢排太熱氣，所以無叫到辣！
雲南老巷
地址：長沙灣元州街473號地舖
原文刊載自UBlog，本篇圖文獲作者 Ying住食住行 / Ying住食住行 Facebook專頁 授權刊登，未經許可，請勿轉載。
原題： 【YING住食】長沙灣小店米線「雲南老巷」
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
↓【限時搶⚡】Louiscocoa鳳梨啤酒口味可可即沖營養代餐奶昔！↓
↓ 首創含微量酒精代餐 / 嚴選高級可可粉 / 加水即沖即飲！↓
