長期「常滿」 200幾款特色美饌自助餐

作為酒店嘅自助餐，水準一定有返咁上吓！都會海逸酒店Promenade西餐廳嘅自助餐不論係環境定食物質素都同樣出色，更會不時有唔同主題嘅自助餐吸引食客，所以即使有300個座位，滿座仍然係經常出現嘅事，到底有啲咩咁吸引呢？即刻同大家逐一拆解！

【環境寬敞舒適 飽覽美景】

未食之前一定先觀察周圍環境，落地玻璃加埋高樓底，令到空間感極大，非常寬敞，仲可以飽覽維港景色，200多款來自世界各地嘅特色美饌分怖喺約70米餐桌上面，比你逐一揀選心儀嘅美食。

【必食鮮甜優質時令海鮮】

講到自助餐，大家最緊張嘅當然係「返本」美食，即開生蠔一定唔少得，Promenade選擇時令同最優質嘅生蠔，即叫即開，肥美蠔肉入口嫩滑，當然仲有冰鎮海鮮，其中新鮮雪花蟹爪，厚肉飽滿，味道鮮甜。

【熱葷推介：矜貴生滾粥+低溫烤羊排】

介紹完鮮甜開胃嘅頭盤之後，就到各式各樣熱葷！首先係推介即煮生滾粥，以為食粥咁普通？其實配料係有矜貴蟹肉同瑤柱，加埋燕窩點綴，成件事立即高貴又值回票價～仲有低溫烤香料羊排，肉質有彈性富嚼感，用淡淡香料襯托出味道，唔會一味得個濃字。

生滾燕窩蟹皇粥

【甜品控出動 多款精選甜點】

精緻的甜品都係一場自助餐不可或缺嘅部分，朱古力心太軟就食得多，但Promenade今次精選推介係必食綠茶白朱古力心太軟，一睇個名就知口感豐富，暖笠笠綠茶蛋糕為外層，內層以Lindt瑞士蓮白朱古力製作，有多層次嘅享受。

綠茶白朱古力心太軟

榴槤迷就開心喇，因為有榴槤撻同榴槤脆酥供應，香而不膩，果王散發出來嘅香氣絕對令人拒絕唔到！唔食榴槤都可以品嚐皇牌甜品芒果拿破崙，鬆化酥皮與酥皮之間，夾住鮮甜芒果同幼滑嘅吉士醬，肚仔記得要留埋位食法式甜品蛋白梳乎厘，新鮮出爐嘅梳乎厘鬆化輕盈，入口即溶，一試難忘。

榴槤脆酥

芒果拿破崙

醒多一個優惠比你，萬勿錯過！

酒店eShop自助餐優惠: http://eshop.harbour-plaza.com/metropolis/zh-hant/

Promenade西餐廳

地址：紅磡都會道7號都會海逸酒店7樓（港鐵紅磡站C2出口）

電話：3160 6880

營業時間：12nn-10:30pm

資料由客戶提供