text│Sakura
如果你是米線關注組會友，一定發現最近有間米線店被網民瘋狂式洗版分享。店子位於官涌熟食中心，雖然環境地痞，無冷氣又熱，但都無阻一班米線控幫襯，為的就是日賣過百碗、用鐵鑊炒製的黃酒雞米線！
小店其實已開業 5、6 年，由老闆王先生經營，每碗米線都是老闆逐碗烹製，分量足，價錢親民。來這裏不吃招牌黃酒雞米線不算來過！湯膽以 40 斤豬骨、雞殼和多種材料熬足一日，清新鮮甜。老闆接單後，舀湯再加入多種藥材，包括紅棗、薑、杞子和黃酒猛火煮製，湯頭濃郁鮮甜，帶酒香味。
坊間很多店會選用三黃雞，這裏則選用新鮮農家雞，因為三黃雞脂肪多會令湯底變得油膩，所以選擇肉質滑嫩又脂肪少的農家雞。米線加上用熱鑊連湯快炒，乾爽之餘也入味！
「唔該一碗公司米線，要麻辣湯吖！」採訪期間發現很多人點公司米線，但翻開 menu 又找不着，一問之下原來這是「廚師發辦」！王老闆笑言：「哈哈，只有熟客才知的隱藏餐單，佢哋不知食乜好，就會叫我發辦，所以餐牌無㗎！」記者也來一碗，份量豐富，有齊 8 款餸，包括豬頸肉、雞翼、腩肉、豬紅、冬菇、豬大腸、鴨腎和豬耳，配自家麻辣湯，用上 10 多種香料如花椒、指天椒等熬製，麻香味濃，陣陣椒香。舖頭開到 6pm 咋，想吃要留意營業時間。
黃酒雞米線 $44
極力推介！湯底鮮甜濃稠，口感細膩，散發陣陣酒香，不吃辣的朋友又多個選擇！
選用江西米線，浸 10 分鐘後再過冷河，然後再落鑊快炒，質感煙韌，彈性十足，又掛湯汁。
招牌腩肉炸醬小鍋米線 $37
腩肉自家醃製，肉質軟腍入味，配埋鹹香炸醬，湯底辣而香惹。
重口味人士，可以特別加炸醬，每日用上 7 種香料炒製，放落湯中，味道再添層次！
自家製淨雲吞 $37
雲吞用上白菜、椰菜、葱、豬肉碎包裹而成，隻隻脹卜卜，好似元寶一樣。
金牌四寶丸小鍋米線 $48
清清哋可以叫四寶丸米線，有齊墨魚丸、龍蝦丸、豬肉丸和蟹籽丸，簡單好味。
湯膽用上 40 斤豬骨、雞殼和多種材料熬足一日，絕無味精，湯底顏色清澈，味道鮮甜香濃。
自家製炸醬每日新鮮即炒，用多種香料如辣椒、指天椒和肉碎等炒香，鹹香入味，辣味濃郁。
平記富金軒雲南米線
地址：佐敦寶靈街 17 號官涌市政大廈 2 樓熟食中心 CF4 號舖
電話：2897 8808、2618 2533
營業時間：11am - 6pm
