Fusion 得獎肉餅

呢個菜式唔單止得獎咁簡單，小編重知佢係中西fusion菜，肉餅都可以搞fusion？緊係即刻去試吓啦！

呢個得獎菜式叫「白翠紅玉藏珍地」，白翠即係帶子，而紅玉就係鵝肝，佢地都會暗藏肉餅之內。但重點係師傅會喺肉餅上面放一粒水珠，而呢粒水珠其實係以分子料理嘅方法製成嘅肉汁，食之前一定要先篤穿佢，等啲肉汁滲透晒落去！

另外，佢唔係好似一般肉餅咁，用個普通嘅碟裝住，而係放入預熱石鍋到，就好似我哋平時食石頭鍋飯咁，石鍋會不斷煎香個肉餅，再配合埋個肉汁，除左會發出沙沙聲之外，更會香味四散，令你忍唔住要開動！

肉餅嘅表面舖滿咗咸蛋黃同帶子，小編建議一定要連埋肉餅一齊食，因為個口感非常特別，除咗個帶子好有咬口之外，重配合埋咸蛋黃嘅咸香，撈飯一流呀！

一道家常菜都可以變中西fusion菜，可見師傅嘅用心！如果你平時都好喜歡食肉餅嘅話，就快啲去試吓呢個得獎菜式啦！

即日起至8月31日都會推出八折優惠！

粵
地址：北角城市花園道 9 號城市花園酒店1樓
電話：2806 4918
營業時間：
星期一至五：11:30am-3pm, 6pm-11pm
星期六、日及公眾假期：10:30am-3pm,6pm-11pm

歡迎你 like 我哋 U Food Facebook Page / U Food Instagram ，取得我哋更新更快嘅資訊！