美得像畫 法式三文治

早餐午餐下午茶隨手拈來就食，好 casual。最近 Tartine 又多了一個意思，就是擺花街這間高級法式三文治店的名字。

用得 Tartine 做主打，賣的當然不再是你我他都輕易做到的 hea 三文治，餐廳好隆重其事，專誠找來米芝蓮星級廚師 Philippe Orrico 做顧問兼幫手，設計出近十款鹹甜俱備的 Tartine，由麵包到配料的食材配搭及賣相通通都花盡心思兼 upgrade。

先講麵包，分為天然酵母及無麩質麵包兩款，用自家的 recipe 請本地麵包店做，皮脆內軟熟，感覺夠 raw。配料也精彩，以多種新鮮優質食材配以簡單的調味，這個叫 Garden 的素 tartine，就用上 10-15 款分別來自法國、澳洲及本地的新鮮蔬菜加自家製茄子醬製作，不只口感豐富，配上優雅的食用花後賣相還真的似一個花園咁靚！

又好似 Crab Lemon Aioli，用混了 Lemon Aioli 的法國 Brittany 麵包蟹肉，微酸帶海水香，配以雅枝竹、番茄乾、鵪鶉蛋等，口感與色彩都賞心悅目。不過，因為知道香港人未必習慣只食份 Tartine 當正餐，餐廳仲供應一系列沙律、小食、主菜及甜品，好似鮮蝦長通粉就用本地新鮮蝦做，牛肉他他用上美國草飼安格斯，同樣用料優質，調味天然輕淡，食出食材原味。

特別推介：
鴨肝配無花果醬$128
法包上放了一件自家加入砵酒、鹽、胡椒等製成的鴨肝，上面再加上同是自家製的無花果醬。鴨肝醇香 creamy，加了楓糖、肉桂、車厘子醋做的無花果醬香甜誘人，剛好中和了鴨肝的膩。

龍蝦及自製法式白醬伴以龍蝦濃湯 $138
龍鮮波士頓龍蝦切片再加自製法式 Bechamel 醬及巴馬臣芝士焗，口感鹹香 creamy，龍蝦彈牙鮮甜。另伴以一小杯超濃厚的自家熬龍蝦湯，淨飲或沾麵包吃一樣好味。

羊奶芝士及烤無花果 $98
酸香樸實的天然酵母麵包上放了奶味重的法國 Les Freres Marchand 羊奶芝士、咸香的 24 個月的 Parma Ham、混入陳醋和蜜糖的火箭菜和新鮮的無花果，豐富又飽肚。

田園 $68
麵包先塗上了一層用茄子、乳酪、青檸皮及 Capers 做成的茄子醬，上面再放上 10-15 種分別來自澳洲、法國及本地的蔬菜，部份是新鮮、部份是煮過的，不只顏色豐富，口感也複雜，感覺清新。

草飼安格斯牛肉他他 (6pm 後供應) $158
用的是美國安格斯牛肉，加以橄欖油、橄欖、紅葱頭、辣椒、番茄及胡椒等伴過，肉味鮮濃，切得較粗粒，感覺很 raw。

雜莓及意大利軟芝士Tartine $68
天然酵母麵包上先塗上香甜軟滑的 Mascarpone，再鋪滿了雜莓、烤焦糖松子和棉花糖，灑上糖粉後還加上超美的食用花，非常colorful，食落酸甜平衡，感覺 fruity 輕盈。

Tartine
地址：中環擺花街 38 號 2-3 樓
電話：2808 0752
營業時間：星期日至三 12nn-11:30pm，星期四至六 12nn-1am (稍後會增設早餐時段，開 9am)
收費：現金及信用卡，設加一
交通：港鐵中環站 C 出口
泊車：中央廣場 $35/hr
平均消費：午市 $150、晚市 $300

想睇更多？即上 新餐廳 / 中區 特集！

歡迎你 like 我哋 U Food Facebook Page / U Food Instagram ，取得我哋更新更快嘅資訊！